Mumbai Acid Attack: विवाहबाह्य संबंधाला विरोध करणाऱ्या पत्नीवर अ‍ॅसिड फेकलं, मुंबईतील मालवणी येथील घटना

मिळालेल्या माहितीनुसार, पीडित महिलेने २०१९ मध्ये आरोपीशी प्रेम विवाह केला होता. लग्नानंतर आपला पती बेरोजगार असून त्याला अमली पदार्थांचे व्यसन असल्याचे महिलेला समजले. महिलेने पतीच्या विवाहबाह्य संबंधाला विरोध केला आणि घटस्फोट घेण्याचा निर्णय घेतला. परंतु, पत्नीच्या निर्णयामुळे संतापलेल्या पतीने तिच्यासोबत भांडणे सुरू केली. रोजच्या भांडणांना वैतागून महिला तिच्या माहेरी निघून गेली. दरम्यान, बुधवारी पीडिता आपल्या आई वडिलांच्या घरी असताना आरोपीने तिथे जाऊन तिच्या चेहऱ्यावर अ‍ॅसिड फेकले.

या हल्ल्यात पीडित महिला गंभीर जखमी जखमी झाली. पीडिताला ताबडतोब कूपर रुग्णालयात दाखल करण्यात आले. तिच्यावर सध्या रुग्णालयात उपचार सुरू आहेत. पीडिताने दिलेल्या तक्रारीनुसार तिच्या पतीविरुद्ध भारतीय दंड विधानाच्या कलम १२४ (२), ३११, ३३३ आणि ३५२ कलमांतर्गत गुन्हा दाखल करण्यात आला. या घटनेनंतर आरोपी पती फरार झाला असून पोलीस त्याचा शोध घेत आहेत.

शालेय पोषण आहारातील चॉकलेटमध्ये आढळल्या अळ्या, धुळे जिल्हा परिषद शाळेतील धक्कादायक प्रकार

नाशिक: चारित्र्याच्या संशयावरून पत्नीची हत्या

नाशिक जिल्ह्यातील सुरगाणा तालुक्यातील मोठामाळ येथे चारित्र्याच्या संशयावरून पत्नीची हत्या केल्याप्रकरणी पतीला अटक केली. सिताराम राऊत (वय, ३०) असे अटक करण्यात आलेल्या आरोपीचे नाव आहे. आरोपीने पत्नी कला राऊत (वय, २६) हिचा राहत्या घरी लोखंडी पावडीने मानेवर वार करत हत्या केली. मृत महिलेची आई उर्मिला मनसू गावित (वय, ४४) हिने आरोपीविरोधात स्थानिक पोलीस ठाण्यात फिर्याद दिल्यानंतर आरोपीला अटक करण्यात आली. याप्रकरणी पोलिसांनी आरोपीची चौकशी केली असता मयत कला हिचे विवाहबाह्य संबंध असल्याचे त्याला संशय होता. यामुळे त्यांच्यात नेहमी वाद होत असे. याच मुद्द्यावरून कला आणि आरोपी यांच्यात १९ सप्टेंबर रोजी कडाक्याचे भांडण झाले. त्यानंतर हे भांडण मिटण्याऐवजी आणखी पेटले. त्यावेळी आरोपीने रागाच्या भरात कला यांच्यावर लोखंडी पावडीने हल्ला केला. या हल्ल्यात गंभीर जखमी झालेल्या कला यांचा उपचाराआधीच मृत्यू झाला.