मराठी बातम्या  /  महाराष्ट्र  /  Ghatkopar Hoarding : घाटकोपर होर्डिंग दुर्घटनेला ६० तास उलटूनही बचावकार्य सुरूच; मृतांचा आकडा वाढला

Ghatkopar Hoarding : घाटकोपर होर्डिंग दुर्घटनेला ६० तास उलटूनही बचावकार्य सुरूच; मृतांचा आकडा वाढला

Ninad Vijayrao Deshmukh HT Marathi
May 16, 2024 08:08 AM IST

Ghatkopar Hoarding case : घाटकोपर होर्डिंग दुर्घटनेला ६० तास होऊनही बचाव कार्य थांबलेले नाही. एनडीआरएफ, अग्निशामक दल, महानगर पालिकेची यंत्रणा होर्डिंगचा ढिगारा काढण्याचे काम करत आहेत.

घाटकोपर होर्डिंग दुर्घटनेला ६० तास होऊनही बचाव कार्य थांबलेले नाही. एनडीआरएफ, अग्निशामक दल, महानगर पालिकेची यंत्रणा होर्डिंगचा ढिगारा काढण्याचे काम करत आहेत.
घाटकोपर होर्डिंग दुर्घटनेला ६० तास होऊनही बचाव कार्य थांबलेले नाही. एनडीआरएफ, अग्निशामक दल, महानगर पालिकेची यंत्रणा होर्डिंगचा ढिगारा काढण्याचे काम करत आहेत. (HT_PRINT)

Ghatkopar Hoarding case : मुंबईमध्ये सोमवारी पावसाने आणि वादळी वाऱ्याने भीषण थैमान घातले. या वादळी वाऱ्याचा मोठा फटका मुंबईकरांना बसला. वादळी वाऱ्यामुळे घाटकोपर परिसरात असलेल्या पेट्रोल पंपावर मोठे होर्डिंग कोसळले. या घटनेला ६० तास उलटून देखील बचाव कार्य सुरूच आहे. एनडीआरएफ, अग्निशामक दल, महानगर पालिकेची यंत्रणा होर्डिंगचा ढिगारा उपसण्याचे काम करत आहेत. या दुर्दैवी घटनेतील मृतांचा आकडा वाढला आहे.  १५ वरून १७ वर पोहोचला आहे. आज सकाळी पहाटेच्या दरम्यान दोन मृतदेह बाहेर काढण्यात आले. या होर्डिंग मालक फरार असून त्याला पकडण्यासाठी पोलिसांनी ७ पथके रवाना केली आहे.

ट्रेंडिंग न्यूज

Maharashtra Weather Update: अवकाळी पाऊस काही थांबेना! रायगड, रत्नागिरी, नाशिकला वादळी वाऱ्यासह गारपीटीचा इशारा

गुरुवारी आढळले आणखी दोन मृतदेह

घाटकोपर येथे होर्डिंग कोसळल्यावर मोठ्या प्रमाणात बचाव कार्य राबवण्यात आले. हे बचाव कार्य सुरूच आहे. गुरुवारी होर्डिंगचा लोखंडी ढीगारा उपसतांना एका कारमध्ये एका महिलेचा आणि पुरुषाचा मृतदेह आढळल्याने मृतांचा आकडा हा १७ वर गेला आहे. मनोज चांसोरिया (वय ६०), अनिता चान्सोरिया (वय ५९) अशी दोघांची नावे आहेत. दुर्घटनास्थळी अजूनही मोठ्या प्रमाणात लोखंडी ढिगारा असून ते बाजूला करण्याचे काम बचाव दलातील कर्मचारी करत आहेत. बचावकार्यासाठी घटनास्थळी ७५ कर्मचाऱ्यांसह २५ वैद्यकीय अधिकारी आणि प्रशासकीय अधिकारी तैनात आहेत. १० जेसीबी, १० ट्रक, ५ पोकलेन, २ गॅस कटर्स टीम, २ हायड्रोलिक क्रेन, मेट्रो आणि एमएमआरडीचे ५० कर्मचारी राडारोडा बाजूला करण्यासाठी काम करत आहेत.

Modi Road Show : मोदींच्या रोड शोसाठी मेट्रो सेवा बंद; प्रवाशांचे हाल, घाटकोपर स्टेशनवर तुफान गर्दी, VIDEO

होर्डिंग उभरतांना नियमांची पायमल्ली

हे होर्डिंग तयार करतांना नियमांची पायमल्ली करण्यात आली. होर्डिंगची जागा देखील अनधिकृत होती. या होर्डिंग संदर्भात मालकाला नोटीसही बजावण्यात आली होती. मात्र, या सर्वांना बाजूला सारत हे होर्डिंग तसेच ठेवण्यात आले होते. विशेष म्हणजे या होर्डिंगची नोंद ही लिमका बूक ऑफ रेकॉर्डमध्ये देखील होती. अखेर सोमवारी झालेल्या वादळी वाऱ्यामुळे हे होर्डिंग कोसळलून १७ जणांना जीव गमवावा लागला.

मुंबईतल्या सगळ्या होर्डिंगचं होणार स्पेशल ऑडिट

मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांनी मुंबईतल्या सगळ्या होर्डिंगचं स्पेशल ऑडिट करण्याचे आदेश दिले आहेत. तर परवाना नसलेली होर्डिंग काढून टाकण्याचे आदेश देण्यात आले आहे. या घटनेत मृत्यू झालेल्या नागरिकांना ५ लाख रुपये देण्याची घोषणा केली आहे. ही घटना घटना दुर्दैवी असून महापालिकेची यंत्रणा व राज्याची डिझास्टर टीम पथक बचाव कार्य राबवत असल्याचे त्यांनी सांगितले.

IPL_Entry_Point

विभाग