Mumbai Fire : मुंबईत गोरेगावमध्ये टेम्पोच्या रेफ्रिजरेटर कॉम्प्रेसरमध्ये आग; एकाचा मृत्यू, दुसऱ्याची प्रकृती चिंताजनक!

मिळालेल्या माहितीनुसार, गोरेगावच्या मोतीलाल नगरमधील कल्पतरू रेडियंसमध्ये एका टेम्पोच्या रेफ्रिजरेटर कॉम्प्रेसरमध्ये आग लागली. रविवारी सकाळी सात वाजताच्या सुमारास ही घटना घडली. गॅस गळतीमुळे टेम्पोला आग लागल्याची प्राथमिक माहिती आहे. या आगीत दोन जण जखमी झाले. त्यांना ताबडतोब रुग्णालयात नेण्यात आले. यातील एकाचा उपचारादरम्यान मृत्यू झाला. तर, दुसऱ्या प्रकृती चिंताजनक आहे. सद्दाम हुसैन असे मृत्यू झालेल्या व्यक्तीचे नाव आहे. तर, संजोय मोरया याच्यावर रुग्णालयात उपचार सुरू आहे.

Mumbai Dry Days: मुंबईत ४ दिवस ड्राय डे, कोणत्या दिवशी किती वाजेपर्यंत उघडे राहतील दारुचे दुकाने?

या घटनेबाबत माहिती देताना अग्निशमन दलाच्या एका अधिकाऱ्याने सांगितले की, गोरेगाव परिसरात टेम्पोला आग लागल्याचे समजातच अग्निशमन दलाचे जवान घटनास्थळी दाखल झाले. अर्ध्यातासानंतर आग आटोक्यात आली. मात्र, या आगीत सद्दाम हुसैन आणि संजोग मोरया हे दोघे गंभीर जखमी झाले. सद्दाम हुसैनला एचबीटी ट्रॉमा केअर रुग्णालयात नेण्यात आले, जिथे त्याला मृत घोषित करण्यात आले. तर, या आगीत संजोग मोरया हा ८० ते ९० टक्के भाजला गेला, त्याच्यावर कूपर रुग्णालयात नेण्यात आला आणि त्याची प्रकृती चिंताजनक आहे. या आगीच्या घटनेत टेम्पोच्या शेजारी उभी असलेल्या दुचाकीचेही नुकसान झाले आहे.