Mumbai Fire : मुंबईतील गोरेगाव येथील ३१ मजली इमारतीला आग, दोन जणांची प्रकृती चिंतानजक

मिळालेल्या माहितीनुसार, गोरेगाव पश्चिमेतील कल्पतरू रेडियन्स या ३१ मजली इमारतीच्या दुसऱ्या मजल्यावर दुपारी १२.४९ मिनिटांनी आग लागली. या आगीची माहिती मिळताच अग्निशमन दल घटनास्थळी दाखल झाले. दुपारी २.१८ च्या सुमारास आगीवर नियंत्रण मिळवण्यात आले. मात्र, श्वास घेताना त्रास होत असल्याने दोन जणांना ट्रॉमा केअर रुग्णालयात दाखल करण्यात आले असून त्यांची प्रकृती चिंताजनक आहे. आगीचे कारण अद्याप समजू शकलेले नाही. मनोज चौहान (वय, अंदाजे ३५ वर्ष आणि शहाबुद्दीन (वय, ५०) अशी रुग्णालयात उपचार सुरू असलेल्यांची नावे आहेत. याप्रकरणी स्थानिक पोलीस अधिक तपास करीत आहेत.

पुण्यात लक्ष्मीपूजनाच्या दिवशी शहरात तब्बल ३५ ठिकाणी अग्नितांडव! अग्निशमन दलाच्या तत्परतेमुळे जीवित हानी टळली

मुंबई: लक्ष्मीपूजनाच्या दिवशी ३ ठिकाणी आग

मुंबई शुक्रवारी लक्ष्मीपूजनाच्या दिवशी तीन ठिकाणी आग लागण्याच्या घटना घडल्या.सुदैवाने, या तीनही घटनेत कोणतीही जीवितहानी झालेली नाही. मध्य मुंबईतील सायन परिसरातील फिनिक्स रोडवरील षण्मुखानंद हॉलजवळील राशन दुकानाला सायंकाळी सात वाजताच्या सुमारास आग लागली. यानंतर काही वेळातच मुंबईतील अंधेरी भागात एका भंगाराच्या गोदामाला आग लागली. शुक्रवारी संध्याकाळी आठ वाजताच्या सुमारास ही घटना घडली. यानंतर मुंबईतील गोरेगाव परिसरात असलेल्या एका उंच इमारतीला भीषण आग लागली आहे. गोरेगावयेथील हब मॉलजवळील लोढा फियोरेन्झा इमारतीच्या ३० व्या मजल्यावर ही आग लागली. या तिन्ही ठिकाणी लागलेल्या आगीचे कारण अस्पष्ट असून अग्निशमन दलाच्या जवानांनी वेळेत घटनास्थळी पोहोचून आग आटोक्यात आणली. या आगीत कोणतीही जीवितहानी झाली नाही. मात्र ऐन दिवाळीत आगीच्या घटना घडल्याने नागरिकांच्या आनंदावर पाणी फेरले आहे.