Mumbai Fire: मुंबईतील वरळी येथील पूनम चेंबरमध्ये भीषण आग; अग्निशमन दलाच्या गाड्या घटनास्थळी

मुंबईतील वरळी परिसरातील पूनम चेंबर्सला रविवारी सकाळी आग लागल्याची माहिती मुंबई अग्निशमन दलाच्या अधिकाऱ्यांनी दिली. एमएफबीने दिलेल्या माहितीनुसार, आज सकाळी ११ वाजून ३९ मिनिटांनी ही आग लागली. या घटनेची माहिती मिळताच एमएफबी, पोलिस, बेस्ट, १०८ रुग्णवाहिका आणि वॉर्डचे कर्मचारी घटनास्थळी दाखल झाले. सध्या आगीवर नियंत्रण मिळवण्याचे काम सुरू आहे. आग नेमके कशामुळे लागली, हे अद्याप समजू शकलेले नाही. पण शॉर्ट सर्कीटमुळे लागल्याचा प्राथमिक अंदाज आहे.

या घटनेची माहिती मिळताच शिवसेना उबाठा नेते आदित्य ठाकरे यांनी मुंबईतील वरळी येथील पूनम चेंबर्सला भेट दिली. अग्निशमन दलाच्या गाड्या आत जात असून लवकरच कुलिंग ऑपरेशन सुरू होईल, अशी माहिती उद्धव ठाकरे यांनी एएनआयशी बोलताना दिली. मुंबई अग्निशमन दलाने दिलेल्या माहितीनुसार, या दुर्घटनेत अद्याप कोणीही जखमी झाले नाही. आज सकाळी ११ वाजून ३९ मिनिटांनी ही आग लागल्याचे अग्निशमन दलाच्या अधिकाऱ्यांनी सांगितले.