Mumbai Dabbawala news : मुंबईच्या डबेवाल्यांना बाप्पा पावला! हक्काचं घर मिळणार, राज्य सरकारकडून मोठी घोषणा

उपमुख्यमंत्री देवेंद्र फडणवीसयांच्यासोबतच्या बैठकीनंतर राज्य सरकारने मोठी घोषणा केली आहे. सह्याद्री अतिथीगृहावरील बैठकीला नमन बिल्डरचे जयेश शाह, प्रियांका होम्स रियालिटीचे रुद्रप्रताप त्रिपाठी, आमदार श्रीकांत भारतीय, डबेवाला संघटनेचे उल्हास मुके, चर्मकार निवारा असो. चे अशोक गायकवाड महाराज आदि उपस्थित होते.

आरोग्य मंत्री तानाजी सावंत यांचे पुतणे धनंजय सावंत यांच्या घरासमोर गोळीबार

गेल्या अनेक वर्षांपासून मुंबईत डबेवाल्यांना त्यांच्या हक्काची घरं मिळावीत यासाठी पाठपुरावा केला जात होता. त्या प्रयत्नांना अखेर यश आलं आहे. देवेंद्र फडणवीसांच्या सभागृहात दिलेल्या आश्वासनानंतर आता पीएम आवास योजनेतून डबेवाल्यांना घरं दिली जाणार असल्याची घोषणा करण्यात आली आहे. यासाठी मुंबईत १२ हजार घरांची निर्मिती केली जाणार आहे. याच्या माध्यमातून डबेबाल्यांना लवकरच मुंबईत हक्काची घरं मिळणार आहेत. मुंबई डबेवाल्यांच्या संघटनेने शुक्रवारी देवेंद्र फडणवीस यांची सह्याद्री अतिथीगृहावर जाऊन भेट घेतली. यावेळी डबेवाल्यांना मुंबईतच घर देण्यासंदर्भात सामंज्यस करार करण्यात आला.

लाडकी बहीण योजनेत लाडक्या भावांचेही अर्ज! तब्बल १२ जणांनी घेतला लाभ; असा झाला उलगडा

मुंबईच्या डबेवाल्यांसोबतच चर्मकार समाजातील लाभार्थ्यांनाही या योजनेत घरं दिली जाणार आहेत. या योजनेसाठी प्रियांका होम्स रियालिटी ३० एकर जागा देणार आहे. तर नमन बिल्डर ना नफा ना तोटा तत्वावर या घरांचं बांधकाम करणार आहे. ५०० चौरस फुटांच्या १२ हजार घरे बांधली जाणार आहेत. येत्या ३ वर्षात हा प्रकल्प पूर्ण होणार असून डबेवाले आणि चर्मकार समाजाचे आपल्या हक्काच्या घराचं स्वप्न पूर्ण होणार आहे.

मुंबईच्या डबेवाल्यांचा १३० वर्षाचा गौरवशाली इतिहास आहे. सकाळी ९ ते सायंकाळी ५ या वेळेत लोकलची गर्दी, मुंबईचं ट्रॅफिक अशा साऱ्याच समस्यांतून रेल्वे आणि सायकलने ग्राहकांपर्यंत डबे पोहोचवण्याचे काम करणाऱ्या डबेवाल्यांच्या व्यवस्थापनाचे जगभर कौतुक झाले आहे. ब्रिटनचे राजे चार्ल्स यांनीही डबेवाल्यांचं कौतुक केले आहे. त्याचबरोबर आयआयएममध्येही त्यांच्या व्यवस्थापनाचे धडे दिले जातात.