Mumbai Crime: मुंबईत स्क्रिझोफेनिया आजाराने ग्रस्त असलेल्या आईने १० वर्षांच्या मुलाची वायरने गळा आवळून केली हत्या

अभिलाषा औटी (वय 36) असे मुलाची हत्या केलेल्या आईचे नाव आहे. तर सर्वेश औटी (वय १०) असे हत्या झालेल्या मुलाचे नाव आहे. पोलिसांनी दिलेल्या माहितीनुसार अभिलाषा औटी यांना स्क्रिझोफेनिया हा आजार आहे. त्यांच्यावर उपचार देखील सुरू आहेत. या आजाराचा रुग्ण अतिआक्रमक होतो किंवा अतिप्रेमळ वागत असतो. तसेच बरेचदा आपण काय करतो याचे भान सुध्या या आजाराने ग्रस्त असलेल्या व्यक्तीला नसते. अभिलाषा या घरी असतांना त्यांनी त्यांच्या मुलगा सर्वेशचा गळा वायरने आवळला. यात त्याचा मृत्यू झाला. या घटनेमुळे औटी कुटुंबावर दुख:चा डोंगर कोसळला आहे.

काय आहे घटना ?

औटी हे वांद्रे पूर्वेला असणाऱ्या खेरवाडी परिसरातील वाय कॉलनीत राहतात. मृत सर्वेशचे वडील हे उप-सचिव आहेत. गुरुवारी संध्याकाळी अभिलाषा व त्यांचा मुलगा सर्वेश हे दोघेच घरात होते. अभिलाषा यांना स्क्रिझोफेनिया आजार असल्याने त्यांची मानसिक स्थिती स्थिर नव्हती. गुरुवारी अचानक अभिलाषा यांना राग आला. या रागाच्या भरात त्यांनी त्यांचा मुलगा सर्वेशला ओढत बेडरुममध्ये नेले. त्यानंतर त्यांनी बेडरुमचा दरवाजा यातून लावून घेतला. यावेळी रूममधील वायरने सर्वेशचा गळा आवळला. या घटनेत सर्वेशचा मृत्यू झाला.

लहान मुलांच्या मोबाइल वापरावर बंदी! सोशल मीडियाही पाहता येणार नाही, गुजरात सरकार बनवणार नियमावली

या घटनेची माहिती सर्वेशचे वडील यांना मिळाल्यावर त्यांना मोठा धक्का बसला. त्यांनी या प्रकरणी पोलिस ठाण्यात तक्रार दिली आहे. त्यानुसार अभिलाषा औटी यांच्यावर गुन्हा दाखल करण्यात आला असून त्यांना अटक करण्यात आली आहे. या घटनेमुळे औटी कुटुंबीयांवर दुख:चा डोंगर कोसळला आहे. तसेच खेरवाडी परिसरात मुलाच्या मृत्यूमुळे हळहळ व्यक्त केली जात आहे.

स्क्रिझोफेनिया आजारात रुग्णांना वेगवेगळे भास होतात. त्यांना बुद्धीभ्रंश व मनात वेगवेगळे विचार येत असतात. त्यामुळे या आजाराने ग्रस्त व्यक्ती सामान्य नसतात. आजाराच्या रुग्णांना दैनंदिन व्यवहारात काम करणे कठीण होते. तसे त्यांचे वागणे देखील बेभरोशाचे असते.

एकाच कुटुंबातील ५ जणांच्या गळ्यावरून फिरवला सुरा, मुलांनाही सोडलं नाही, पोत्यात लपवले मृतदेह, मन हेलावणारी घटना