Viral Video : आयुष्याचा मनमुराद आनंद असा घ्यावा; मुंबईतील रिक्षा चालकाने ट्रॅफिक सिग्नलवरच जमवली मैफल
Viral Video : एक व्हिडिओ सध्या सोशल मीडियावर व्हायरल होत आहे. ज्यामध्ये एक ऑटो-रिक्षा चालक आपले काम करताना उत्कटतेने एक मधुर गाणे गात आहे. या व्हिडिओवर नेटीझन्सनी अनेक प्रतिक्रिया व्यक्त केल्या आहेत.
जगातील प्रत्येक व्यक्तीला काहीतरी छंद असतोच मात्रकामाच्या जबाबदारीतून प्रत्येकाला छंद जोपासता येत नाही. कामाच्या तासांमुळे एखाद्याच्या आयुष्यात उदासीनता येते व त्याचा जीवनातील छोट्या छोट्या सुखात आनंद घेण्यामध्येही रस दिसून येत नाही. तुमचे काम केवळ उपजीविकेचे साधन बनू शकते. मात्र तुमची नोकरी आणि तुमची आवड या दोन्हींचा समतोल साधता आला तर?
असाच एक व्हिडिओ सध्या सोशल मीडियावर व्हायरल होत आहे. ज्यामध्ये एक ऑटो-रिक्षा चालक आपले काम करताना उत्कटतेने एक मधुर गाणे गात आहे. या व्हिडिओवर नेटीझन्सनी अनेक प्रतिक्रिया व्यक्त केल्या आहेत.
इंटरनेटवर मोठ्या प्रमाणात शेअर केलेल्या या क्लिपच्या कॅप्शनमध्ये लिहिले आहे की, "KARAOKE AUTO AT JUHU, Mumbai." व्हिडीओमध्ये दिसते की, रिक्षाचालक ट्रॅफिकमध्ये अडकला असून रिक्षात असलेल्या माईक व साऊंड सिस्टीमच्या सह्यायाने एक सुंदर गीत गाताना दिसत आहे. ट्रॅफिकमध्ये अडकलेले प्रवासी व वाहनचालक त्यांच्या गाण्याचा आनंद घेतात व रिक्षाचालकाच्या गायनाने प्रभावित होतात. सर्वजण त्याच्याकडे कौतुकाने पाहतात. एका दर्शकाने हे दृष्य कॅमेऱ्यात कैद केले व हा व्हिडिओ इंस्टाग्रामवर पोस्ट केला. विशेष म्हणजे, रिक्षावरच "कराओके ऑटोरिक्षा" असे लिहिलेले आहे.
ही क्लिप व्हायरल झाल्यापासून याला हजारो लाईक्स, व्ह्यूज मिळाल्या असून अनेक कमेंटही करण्यात आले आहेत. अनेक नेटीझन्सनी म्हटले आहे की, आपल्या कामातून आनंद कसा मिळवायचा याचे हे उत्तम उदाहरण आहे.
एक युजरने लिहिले की, रिक्षा चालवताना त्याने आपली आवड जपली आहे. कारण पॅशन नेहमीच बिल मागत नाही. तर त्याला अधिक शक्ती देते.दुसऱ्या युजरने तमाशा चित्रपटातील एक प्रसिद्ध डॉयलॉग लिहिला जो त्या रिक्षाचालकाच्या परिस्थितीशी मिळता जुळता आहे, तो म्हणजे”ये दुनिया हमको समझ ही नाय पायी. अंदर से कुछ और ही हैं हम."
अन्य एका युजरनेरिक्षाचालकाच्या उत्साहाचे कौतुक करत म्हटले की, तो त्याच्या कामाचा आनंद घेत आहे आणि यापेक्षा चांगला मार्ग असू शकत नाही. आणखी एका युजने म्हटले की, हीच मुंबईची खासियत ज्यामुळे मुंबईला स्वप्नांचे शहर म्हटले जाते.
Shrikant Ashok Londhe
संबंधित बातम्या