Mumbai: मराठी गाणी वाजवायची की भोजपुरी, मुंबईतील मीरा रोड येथे दोन गटांत तुफान हाणामारी, एकाचा मृत्य

राजा पेरियार (वय, २३) असे मृत्यू झालेल्या तरुणाचे नाव आहे. पेरियार हा आपल्या मित्रांसह मुंबईतील मीरा रोड येथे नवीन वर्षाचे सेलिब्रेशन करत होता. त्यावेळी एक गट मराठी गाण्यांवर नाचत होता. तर, दुसरा गट भोजपुरी गाण्याचा आग्रह धरत होता. या मतभेदामुळे वादावादी होऊन दोन गटात तणाव वाढला. यानंतर काही जणांना एकमेकांवर लोखंडी रॉडने हल्ला केला. या हल्ल्यात पेरियार आणि विपल राय गंभीर जखमी झाले. दोघांना मुंबईतील केईएम रुग्णालयात नेण्यात आले. मात्र, तिथे डॉक्टरांनी पेरियार याला मृत घोषित केले.

याप्रकरणी स्थानिक पोलीस ठाण्यात गुन्हा दाखल करण्यात आला आहे. आशिष जाधव आणि त्याचे नातेवाईक प्रकाश जाधव, अमित जाधव आणि प्रमोद यादव अशी अटक करण्यात आलेल्या आरोपींची नावे आहेत.