Eastern Freeway Accident: मुंबई ईस्टर्न फ्रीवेवर ४ वाहनांमध्ये धडक, वडाळा ते माझगावदरम्यान मोठी वाहतूक कोंडी
Mumbai Eastern Freeway Accident: मुंबई ईस्टर्न फ्रीवेवर आज सकाळी चार वाहनांनी ऐकमेकांना धडक दिली. या अपघातामुळे वडाळा ते माझगावदरम्यान वाहनचालकांना वाहतूक कोंडीसारख्या समस्यांचा सामना करावा लागत आहे.
Multiple Vehicle collided On Eastern Freeway: मुंबईच्या ईस्टर्न फ्रीवेवर सोमवारी सकाळी अनेक वाहनांच्या अपघातामुळे वाहतूक विस्कळीत झाली. वडाळ्याजवळ पहाटे चार कार एकमेकांवर आदळल्या. परिणामी, वडाळा ते माझगाव फ्रीवेवर मोठ्या प्रमाणात वाहतूक कोंडी निर्माण झाली. या अपघातात कोणतीही जीवितहानी झाल्याचे वृत्त नाही. वाहतूक कोंडीचा व्हिडिओ सोशल मीडियावर व्हायरल होत आहे.
व्हायरल व्हिडिओमध्ये दिसत आहे की, ईस्टर्न फ्रीवेच्या दक्षिणेकडील लेनच्या उजव्या बाजूला चार कारने एकमेकांना धडक दिली आहे. कल्पित क्षत्रिय नावाच्या एका एक्स वापरकर्त्याने त्याच्या अकाऊंटवर अपघाताचा व्हिडिओ शेअर केला आहे. या व्हिडिओच्या कॅप्शनमध्ये चार वाहनांच्या अपघातामुळे ईस्टर्न फ्रीवेवर वाहतूक कोंडी झाल्याचे लिहिले आहे. अपघातामुळे रस्त्यावर तेल गळती होऊन वाहतुकीवरही परिणाम झाल्याची माहिती आहे. अपघातामुळे इतर वाहने संथ गतीने धावताना दिसत आहेत.
मुंबई पोलिसांनी दिली महत्त्वाची माहिती
मुंबई वाहतूक पोलिसांनी एक्सवरील त्यांच्या अधिकृत सोशल मीडिया हँडलवर याबद्दल एक अपडेट दिली. "रस्त्यावर अपघात आणि तेल गळतीमुळे वडाळा फ्रीवे पोल क्रमांक १०४ दक्षिणेकडे वाहतूक संथ आहे," असे मुंबई वाहतूक पोलिसांच्या पोस्टमध्ये म्हटले आहे.
अपघाताचे कारण अस्पष्ट
वाहतूक विभागाकडून अद्यतनानंतरही अनेक वाहनांचा समावेश असलेल्या अपघातात कोणतीही जीवितहानी किंवा दुखापत झाल्याचे कोणतेही अहवाल नाहीत. कामाच्या आठवड्याच्या पहिल्याच दिवशी फ्रीवेवर वाहनांची गर्दी कशामुळे झाली, याचाही तसास केला जात आहे.
मुंबई-नाशिक महामार्गावर भरधाव ट्रकची कारला धडक; एकाचा मत्यू
मुंबई-नाशिक महामार्गावर रविवारी पहाटे भरधाव ट्रकने कारला धडक दिल्याने एकाचा मृत्यू झाला आहे. तर, तीन जखमी झाले. जखमींना तातडीने भिवंडी येथील रुग्णालयात दाखल करण्यात आले असून त्यांच्यावर उपचार सुरू आहेत. या अपघातात मरण पावलेल्या व्यक्तीचा मृतदेह शवविच्छेदनासाठी शासकीय रुग्णालयात पाठवण्यात आले. याप्रकरणी पोलीस अधिक तपास करीत आहेत. मुंबई-नाशिक महामार्गावरील माणकोली येथे काल मध्य रात्री दीड वाजताच्या सुमारास हा अपघात झाला. अपघातग्रस्त कार नाशिकच्या दिशेने जात असताना भरधाव ट्रकने त्यांना धडक दिली.
संबंधित बातम्या