Mumbai Boy Rape: आता मुलेही सुरक्षित नाहीत! पालकांना जीवे मारण्याची धमकी देत ८ महिने अत्याचार

मिळालेल्या माहितीनुसार, दया शंकर जमीनदार राजभर (वय, ५०) असे आरोपीचे नाव आहे. हे प्रकरण १८ सप्टेंबर रोजी पहिल्यांदा उघडकीस आले, जेव्हा पीडितेचा शेजारी असलेल्या एका व्यक्तीने मुलुंडच्या एलबीएस रोडवरील सार्वजनिक शौचालयाजवळ मुलाला आरोपीसोबत पाहिले. दोघांना सार्वजनिक शौचालयात एकत्र येण्याची ही पहिली वेळ नव्हती. सार्वजनिक शौचालयात मुलाचे लैंगिक शोषण होत असल्याचे शेजाऱ्यांच्या लक्षात आल्याने त्यांनी दोघांचा पाठलाग केला असता हे प्रकरण समोर आले.

शेजाऱ्यांमुळे धक्कादायक प्रकार उजेडात

शेजाऱ्यांनी तात्काळ मुलाची सुटका करून त्याच्या वडिलांना परिस्थितीची माहिती दिली. पीडिताच्या वडिलांनी त्याच्याकडे विचारपूस केली असता धक्कादायक माहित समोर आली. पीडित मुलाच्या वडिलांसह शेजाऱ्यांनी त्वरीत मुलुंड पोलिस ठाण्यात धाव घेऊन राजभरविरोधात तक्रार दाखल केली.

Mankhurd Boy Rape: धक्कादायक! मानखुर्दमध्ये १२ वर्षीय मुलावर बलात्कार, तरुणाला अटक

पालकांना जीवे मारण्याची धमकी देत मुलावर आठ महिने अत्याचार

पीडित मुलाने आपल्या जबाबात दिलेल्या माहितीनुसार, या वर्षी फेब्रुवारी महिन्यात आरोपी राजभरने पीडित मुलाला चॉकलेट आणि स्नॅक्ससारखे पदार्थ देऊन त्याच्यावर अत्याचार केले. त्यानंतर राजभरने त्याला सार्वजनिक शौचालयात नेऊन त्याच्यावर त्याच्यावर पुन्हा अत्याचार केले. एवढेच नव्हेतर, राजभरने पीडित मुलाच्या पालकांना जीवे मारण्याची धमकी देत त्याच्यावर तब्बल आठ महिने अत्याचार केले. या घटनेने परिसरात एकच खळबळ माजली.

आरोपी अटकेत

याप्रकरणी आरोपीला १९ सप्टेंबर रोजी अटक करण्यात आली. राजभरने गुन्ह्याची कबुली दिली असताना चौकशीदरम्यान त्याने असामान्य वर्तन केल्याचे अधिकाऱ्यांनी सांगितले. राजभर सध्या पोलीस कोठडीत आहे. भारतीय न्याय संहिता आणि लैंगिक गुन्ह्यांपासून बालकांचे संरक्षण कायद्यात नमूद केल्यानुसार, आरोपीवर लैंगिक छळ आणि लैंगिक अत्याचाराच्या अनेक कलमांतर्गत गुन्हा दाखल करण्यात आला आहे. याप्रकरणी मुलुंड पोलीस अधिक तपास करीत आहेत.