Atal Setu Viral Video: अटल सेतू बनला पिकनिक स्पॉट; जीव धोक्यात घालून वाहनचालकांचे फोटोशूट

मुंबई ट्रान्स हार्बर लिंक अटल सेतू खुला झाल्याने मुंबई आणि रायगड जिल्ह्यातील अंतर आता दोन तासांवरून २० मिनिटांवर आले. पुलावरील वेगमर्यादा १०० किमी प्रतितास असल्याने कोणताही धोका पत्करायचा नाही. मात्र, तरीही अनेकजण वाहन थांबवून फोटोशूट करताना दिसत आहेत. एमएमआरडीएने मुंबई वाहतूक पोलिसांना अशा वाहनचालकांविरोधात दंडात्मक कारवाई करण्याचे आवाहन केले.

मुंबईला रायगडमधल्या उरण तालुक्याशी जोडण्यासाठी उभारण्यात आलेला शिवडी-न्हावा शेवा सागरी सेतू शुक्रवारी नागरिकांसाठी खुला करण्यात आला. या मार्गावर एकेरी प्रवासासाठी अडीचशे रुपये टोल आकारले जात आहे.

Amit Shah Sister Dies: केंद्रीय मंत्री अमित शाह यांच्या मोठ्या बहिणीचे मुंबईत निधन

या पुलाचे उद्घाटन करताना राज्यपाल रमेश बैस, मुख्यमंत्री एकनाथ शिंदे आणि उपमुख्यमंत्री देवेंद्र फडणवीस उपस्थित होते. हा पूल मुंबई आंतरराष्ट्रीय विमानतळ आणि नवी मुंबई आंतरराष्ट्रीय विमानतळाला जलद कनेक्टिव्हिटी प्रदान करतो. या पूलामुळे मुंबई ते पुणे, गोवा आणि दक्षिण भारतात प्रवास करणाऱ्यांचा वेळ वाचणार आहे. डिसेंबर २०१६ मध्ये पंतप्रधानांच्या हस्ते पुलाची पायाभरणीही करण्यात आली होती. एकूण १७ हजार ८४० कोटी रुपयांपेक्षा जास्त खर्च करून अटल सेतू बांधण्यात आला. हा २१.८ किलोमीटर लांब आहे. तर, हा ६ लेनचा पूल आहे, ज्याची लांबी समुद्रावर सुमारे १६.५ किमी आहे. हा पूल जमिनीपासून सुमारे ५.५ किमी आहे.