निवडणूक संपताच तुमच्या खिशावर भार; एसटी प्रवास महागणार, महामंडळाची भाडेवाढीची तयारी

राज्यात एसटी महामंडळाने नागरिक प्रामुख्याने प्रवास करत असतात. सध्या बसमध्ये महिलांना अर्ध्या किमतीत तर वृद्ध नागरिकांना मोफत प्रवास आहे. मात्र, आता एसटी महामंडळाने राज्य सरकारला तब्बल १४.९४ टक्क्यांनी भाडेवाढ करण्याचा प्रस्ताव पाठवला आहे. सातत्याने होत असलेल्या महागाईमुळे एसटी महामंडळाने भाडेवाढीचा प्रस्ताव शासनाकडे सादर केला आहे. हा प्रस्ताव निवडणुकीपुर्वी सादर करण्यात आला होता. मात्र, शिंदे सरकारने या बाबत कोणताही निर्णय दिला नव्हता. आता निवडणुका होऊन नवे सरकार स्थापन झाले आहे. नवे सरकार स्थापन होताच एसटी भाड्याच्या वाढी संदर्भात मागणी करण्यात आईल आहे.

या बाबत भरत गोगावले म्हणाले की, गरीब लोकांना चांगली सेवा देण्यासाठी आमचा प्रयत्न आहे. राज्याच्या कानकोऱ्यात लालपरी सेवा असून महामंडळाकडे बसे गाड्यांची संख्या कमी आहेत. नव्या वर्षांत ३ ते ३५०० नव्या बसेस घेणार असून यातील काही नवीन बसेस भाडे तत्वावर घेतल्या जाणार आहे. नव्या बसेस आल्यावर जुन्या बसेस स्क्रॅप केल्या जाणार आहे. त्यात कर्मचाऱ्यांच्या पगारात वाढही करण्यात आली होती. महामंडळाने गेल्या ३ वर्षांपासून कोणतीही भाडेवाढ केलेली नाही. त्यामुळे आता ही भाडेवाढ केली जाणार आहे. आम्ही १४.९४ टक्के भाडेवाढीचा प्रस्ताव सरकारला दिला आहे. त्यानंतर राज्य सरकार निर्णय घेईल.

Vasai Accident: शाळेतून परतत असताना भरधाव दुचाकीनं उडवलं, वसईतील १४ वर्षीय विद्यार्थिनीचा जागीच मृत्यू

सध्या महामंडळाला मोठा तोटा होत आहे. साधारण १५ कोटी रुपयांचे रोजचे नुकसान एसटी महामंडळाला होत आहे. ही तूट भरून काढण्यासाठी महामंडळाने भाडेवाढीचा प्रस्ताव शासनाकडे सादर केला आहे. सध्या महामंडळाला अनेक समस्यांना तोंड द्यावे लागत आहे. कर्मचाऱ्यांचे वेतन वाढते असून त्यांना ते वेळेत देण्याचे आवाहन महामंडळापुढे असते. या सोबतच वाढते इंधन दर डोकेदुखी ठरत आहे. त्यामुळे महामंडळाने तिकिट दर व भाडेवाढ करण्याचा प्रस्तावाला नवे सरकार मंजूरी देणार का ? हे पाहणे महत्वाचे ठरणार आहे.

Maharashtra Weather Update : राज्यात हुडहुडी! दवबिंदू ही गोठले, जळगाव, पुणे, वाशिममध्ये सर्वात कमी तापमान, IMD चा अलर्ट