Manorma khedkar arrested : ट्रेनी आयएएस अधिकारी पूजा खेडकर यांची आई मनोरमा यांना पुणे ग्रामीण पोलीसांनी केली अटक
Mother of IAS Puja Khedkar mother Manorma arrested : ट्रेनी आयएएस अधिकारी पूजा खेडकर यांची आई मनोरमा खेडकर यांना पुणे पोलिसांनी अटक केली आहे. शेतकऱ्यांना धमकावल्या प्रकरणी त्यांना महाड येथून अटक करण्यात आली आहे,
Mother of IAS Puja Khedkar mother Manorma arrested : ट्रेनी आयएएस अधिकारी पूजा खेडकर यांची आई मनोरमा खेडकर यांना पुणे पोलिसांनी अटक केली आहे. शेतकऱ्यांना धमकावल्या प्रकरणी त्यांना महाड येथून अटक करण्यात आली आहे. त्यांना पुण्यात आणले जात आहे. मनोरमा खेडकर यांचा काही दिवसांपूर्वी मनोरमा खेडकर यांचा व्हिडिओ व्हायरल झाला होता. यात त्या मुळशी तालुक्यातील एका शेतकऱ्याला हातात पिस्तूल घेऊन दमदाटी करतांना दिसल्या होत्या. या प्रकरणी त्यांचाच्यावर गुन्हा दाखल करण्यात आला होता. गेल्या काही दिवसांनपासून त्या फरार होत्या.
प्रोबेशन काळात पुण्यात नियुक्तीला आलेल्या आयएएस पूजा खेडकर यांनी त्यांच्या आलीशान ऑडी गाडीला परवानगी नसतांना अंबर दिवा लावला होता. तसेच जिल्हाधिकारी कार्यालयातील एका वरिष्ठ अधिकाऱ्याचा कक्ष बळकावत त्यांनी तेथे त्याचे कार्यालय थाटत स्वत:च्या नावाची पाटी देखील लावली होती. हे प्रकरण उघडकीस आल्यानंतर पूजा खेडकर आणि त्यांच्या कुटुंबियांच्या अडचणी या दिवसेंदिवस वाढत चालल्या आहेत.
पूजा यांची आई मनोरमा खेडकर यांचा एक जुना व्हिडिओ काही दिवसांपूर्वी व्हायरल झाला होता. या व्हिडिओत मनोरमा खेडकर या मुळशी तालुक्यात एका जमीनीच्या वादातून शेतकऱ्यांसोबत हुज्जत बाजी आणि शिवीगाळ करतांना दिसत आहे. मनोरमा खेडकर यांनी हातात बंदूक घेऊन शेतकऱ्यांना धमकावले होते. हा व्हिडीओ व्हायरल झाल्यावर ग्रामीण पोलिसांनी त्यांच्यावर गुन्हा दाखल केला होता.
काय आहे प्रकरण ?
पूजा खेडकर यांचे वडील माजी आयपीएस अधिकारी दिलीप खेडकर यांनी बेहिशेबी संपत्ती कमावली आहे. यातून त्यांनी पुणे जिल्ह्यात काही ठिकाणी जमिनी खरेदी केल्या आहेत. अशीच के जमिन मुळशी तालुक्यातील एका गावात २५ एकर जमीन त्यांनी खरेदी केली कसून त्यांनी शेजारी असलेल्या शेतकऱ्याच्या शेतजमीनिवर अतिक्रमण केले आहे. हा वाद कोर्टात सुरू असतांना संबंधित शेतजमीनीवर जाऊन जमीन कसत असणाऱ्या शेतकऱ्यांना मनोरमा खेडकर यांनी हातात पिस्तूल आणि बाऊन्सर घेऊन शेतकऱ्यांना धमकावले. दरम्यान, खेडकर कुटुंबीयांनी बारामती तालुक्यात देखील शेतजमिन खरेदी केली असल्याची बाब माहिती अधिकार कार्यकर्ते विजय कुंभार यांनी उघड केली आहे. वाघळवाडी येथे दिलीप खेडकर यांनी १४ गुंठे जमीन घेतली आहे.
मनोरमा खेकडर होत्या फरार
या प्रकरणी पौड पोलिस ठाण्यात गुन्हा दाखल झाल्यावर मनोरमा खेडकर या फरार होत्या. त्यांच्या मागावर पोलिस होते. त्यांना वारंवार नोटिसा बाजावून देखील त्यांनी काही प्रतिसाद दिला नाही. आज अखेर त्यांना महाड येथून अटक करण्यात आली आहे.
संबंधित बातम्या