धक्कादायक! मुलींच्या शाळेतील प्रसाधनगृहात मोबाइल ठेवून केले व्हिडिओ शूटिंग! शाळेच्या शिपायाविरुद्ध गुन्हा

काय आहे प्रकार ?

पुण्यात पाषाण भागात एक मुलींची शाळा आहे. या शाळेत मंगळवारी शारिरिक शिक्षणाचा तास होता. यावेळी मैदानावर सर्व प्रशिक्षण पार पडल्यानंतर विद्यार्थिनी या शाळेतील प्रसाधनगृहात गेल्या. यावेळी आरोपी शिपाई हा मुलींच्या कपडे बदलण्याच्या खोलीजवळ थांबला होता. यावेळी काही विद्यार्थिनींनी त्याला पाहिले. व त्यांना हटकून बाहेर जाण्यास सांगितले. मात्र, या शिपायाने त्याचा मोबाइल तेथेच ठेऊन कॅमेरा सुरू ठेऊन निघून गेला होता. हा प्रकार प्रसाधनगृहाजवळ थांबलेल्या एका मुलीच्या लक्षात आला. तिने मोबाइल पाहिला तेव्हा व्हिडिओ शूटिंग सुरू होते. या बाबतची माहिती मुलीने शाळेतील शिक्षकांना दिली. याची गंभीर दखल घेत शाळेच्या प्रशासनाने याची माहिती चतु:शृंगी पोलिसांना दिली. यावेळी तातडीने पोलिस शाळेत दाखल झाले. त्यांनी शिपायाला ताब्यात घेतले. त्याच्याकडून मोबाइल जप्त करण्यात आला आहे. तसेच मोबाइलचे तांत्रिक विश्लेषण केले जाणार आहे. आरोपीवर बालकांचे लैंगिक अत्याचारांपासून संरक्षण कायद्यान्वये गुन्हा दाखल करण्यात आला आहे.

बुलढाण्यात टक्कल व्हायरसचा धुमाकूळ! आधी डोक्याला खाज आणि मग तीन दिवसांत केसगळती होऊन पडतयं टक्कल

गेल्या महिन्यात नृत्यशिक्षकाने मुलावर केला होता अत्याचार

पुण्यात कर्वेनगर येथील शाळेत नृत्य शिक्षकाने शाळेतील ११ वर्षांच्या मुलावर अत्याचार केले होते. या घटनेने खळबळ उडाली होती. मुलाने समुपदेशन करताना हा प्रकार सांगितला. याप्रकरणी नृत्य शिक्षकाला वारजे पोलिसांनी अटक केली होती. या घटनेमुळे शाळेतील मुलांच्या सुरक्षेचा प्रश्न ऐरणीवर आला होता.

भाचीनं पळून जाऊन लग्न केलं, नाव खराब झाल्यामुळं संतापलेल्या मामानं रिसेप्शनच्या जेवणात विष मिसळलं! कोल्हापूर हादरलं!