Raj Thackeray: वाहतूक कोंडी पाहून राज ठाकरे संतापले; यावेळी ठाणे- मुलुंड टेालनाक्यावर...

नाशिकहून मुंबईला परतत असताना ठाणे-मुलुंड टोलनाक्यावर मोठी वाहतूक कोंडी झाली होती. दरम्यान, मनसे नेते राज ठाकरेही तेथून जात होते. वाहनांच्या लांबच लांब रांगा पाहून राज ठाकरे संतापले. त्यांनी स्वत: गाडीतून खाली उतरत टोल नाक्यावरील कर्मचाऱ्यांना सुनावले. हा संपूर्ण प्रकार शुक्रवारी संध्याकाळी ७ वाजताच्या सुमारास घडली. यावेळी राज ठाकरे यांच्यासोबत मनसेचे ज्येष्ठ नेते बाळा नांदगावकर आणि नितीन सरदेसाई उपस्थित होते.

व्हायरल व्हिडिओमध्ये राज ठाकरे यांनी वाहतूक कोंडी हटवण्यासाठी मनसे कार्यकर्त्यांना टोल न घेताच वाहनांना पुढे जाण्यास सांगितले. यावेळी राज ठाकरेंच्या ताफ्यात शेकडो कार्यकर्त्यांचा समावेश होता.या घटनेदरम्यान टोलनाक्याजवळील रस्त्यावर मोठी वाहतूक कोंडी झाली होती.

Raj Thackeray : जरांगेंच्या आंदोलनामुळं मराठा समाजाला नेमकं काय मिळालं?; राज ठाकरेंचा सवाल

यापूर्वी ७ जानेवारी २०२३ रोजी राज ठाकरे यांनी स्वतः कोल्हापूर टोल नाक्यावर उभे राहून टोलनाक्यावरील वाहतूक कोंडी सोडवली होती. यासोबतच त्यांनी टोलचालकाला मनसे स्टाईलमध्ये समजावून सांगण्याचा इशाराही दिला होता.