MHADA Mumbai lottery 2024: म्हाडा मुंबईच्या लॉटरीला नागरिकांचा चांगला प्रतिसाद, २,०३० घरांसाठी आले इतक्या संख्येने अर्ज
MHADA Mumbai lottery 2024 : राज्य सरकारने गेल्या महिन्यात दोन हजारांहून अधिक परवडणाऱ्या घरांची लॉटरी जाहीर केली होती. २०३० घरांसाठी जवळपास ६८ हजार अर्ज आले आहेत.
महाराष्ट्र गृहनिर्माण व क्षेत्र विकास प्राधिकरणाने गेल्या महिन्यात सुरू केलेल्या म्हाडा लॉटरी २०२४ साठी ६८ हजारांहून अधिक अर्ज प्राप्त झाले आहेत. या योजनेअंतर्गत २९ लाख ते ६.८२ कोटी रुपयांपर्यंतची दोन हजारांहून अधिक परवडणारी घरे उपलब्ध आहेत.
म्हाडाच्या परवडणाऱ्या घरांसाठी २९ ऑगस्टपर्यंत सुमारे ३० हजार अर्ज आले होते, जे दोन आठवड्यांत दुप्पट होऊन अर्जांची संख्या ६८ हजारांवर पोहोचली आहे. कारण म्हाडाने २९ ऑगस्ट रोजी ३७० परवडणाऱ्या घरांच्या किमती १० ते २५ टक्क्यांनी कमी करण्याचा निर्णय घेतला.
म्हाडाने जाहीर केलेल्या आकडेवारीनुसार आतापर्यंत ६८ हजार ६५१ अर्ज दाखल झाले असून ११ सप्टेंबरपर्यंत ४९ हजार २८४ अर्जदारांनी सदनिकांसाठी आवश्यक अर्नेस्ट मनी डिपॉझिट (ईएमडी) भरली आहे. म्हाडाच्या लॉटरी २०२३ मध्ये मुंबईत विक्रीसाठी असलेल्या चार हजारांहून अधिक परवडणाऱ्या घरांसाठी एक लाखांहून अधिक अर्ज आले होते.
अपार्टमेंटच्या किंमती
म्हाडा लॉटरी २०२४ मध्ये २९ लाख ते ६.८२ कोटी रुपयांच्या घरात फ्लॅट उपलब्ध आहेत. उच्च उत्पन्न गटातील (एचआयजी) बहुतांश युनिट्सना एक कोटी ते सहा कोटी रुपयांपेक्षा अधिक रकमेची ऑफर दिली जात आहे. अंधेरी, अँटॉप हिल, जुहू, गोरेगाव, तारदेव, विक्रोळी, पवई आदी भागात ही घरे आहेत.
त्यापैकी सर्वात महागडे म्हणजे दक्षिण मुंबईतील ताडदेव परिसरातील दीड हजार चौरस फुटांचे सहा कोटी ८२ लाख रुपयांचे युनिट. हा फ्लॅट वरच्या मजल्यावर आहे. ही इमारत महालक्ष्मी रेसकोर्सजवळ समुद्राच्या दिशेने तोंड करून आहे.
म्हाडा लॉटरी 2024 साठी अर्ज कसा करावा?
म्हाडा च्या अधिकाऱ्यांनी दिलेल्या माहितीनुसार, म्हाडा लॉटरी २०२४ साठी अर्ज प्रक्रिया पूर्णपणे ऑनलाइन आहे आणि घर खरेदीदार लॉटरी शी संबंधित अपडेट्स म्हाडाच्या अधिकृत वेबसाईटवर आहे. म्हाडा लॉटरी 2024 मध्ये अर्ज करण्याची शेवटची तारीख १९ सप्टेंबर आहे.
म्हाडा मुंबई मंडळाकडून २०३० सदनिकांच्या विक्रीसाठी आजसोडत जाहीर करण्यात आली आहे. मुंबईतील पहाडी गोरेगाव, अँटॉप हिल-वडाळा, कोपरी पवई, कन्नमवार नगर, विक्रोळी, शिवधाम कॉम्प्लेक्स-मालाड इ. गृहनिर्माण प्रकल्पामधील विविध उत्पन्न गटातील २०३० सदनिका विक्रीसाठी तयार आहेत. यासाठी ऑनलाईन नोंदणी व अर्ज करण्याच्या प्रक्रियेला ०९ ऑगस्ट रोजी दुपारी १२ वाजल्यापासून सुरूवात होणार आहे. या सोडतीची जाहिरात ०८ ऑगस्ट, २०२४ रोजी राज्यातील विविध वृत्तपत्रात येणार आहे. तसेच म्हाडाच्या https://housing.mhada.gov.in या संकेतस्थळावर प्रसिद्ध करण्यात येणार आहे.
