Thane city mall fire news : ठाण्यात हायपर सिटी मॉलच्या दुसऱ्या मजल्यावर भीषण आग लागली आहे. आगीचे लोट दुरवरून दिसून येत आहे. घटनास्थळी आग विझवण्यास सुरुवात करण्यात आली आहे. सकाळी ८ च्या सुमारास ही आग लागली. आगीचे लोट दुरवरून दिसत आहे. घटनेची माहिती मिळताच अग्निशामक दलाच्या गाड्या घटनास्थळी दाखल झाल्या आहेत. तसेच बचाव कार्य सुरू करण्यात आले आहे. आग नेमकी कशी लागली या बाबत माहिती मिळू शकली नाही.
मिळालेल्या माहितीनुसार ठाणे घोडबंदर रोडवरील हायपर सिटी मॉलमधील पुमा बूट्सच्या शोरूममध्ये ही आग लागली. ही आग सकाळी ८ च्या सुमारास लागली. दुकानातून आगीचे व धुराचे लोट येत होते. याची माहिती स्थानिक नागरिकांनी अग्निशामक दलाला दिली. ठाणे महानगर पालिकेचे दोन बंब तातडीने घटनास्थळी दाखल झाले आहे. त्यांनी तातडीने आगीवर पाण्याचा मारा करत, आग काही वेळात आटोक्यात आणली आहे. सुदैवाने या घटनेत कुणी जखमी अथवा जीवित हानी झाली नाही.
या आगीची तीव्रता खूप जास्त होती. आगीच्या लोटामुळे आजू बाजूच्या दुकानांना देखील आग लागली. या आगीत लाखो रुपयांचे नुकसान झाले आहे. अग्निशामक दलाने या दुकांना लागलेली आड देखील आटोक्यात आणली आहे. सध्या कुलिंगचे काम सुरू आहे. दरम्यान, आग नेमकी कशी लागली याची माहिती समजू शकली नाही. ही आग शॉर्टसर्किट मुळे लागली असावी अशी शक्यता अग्निशामक दलाच्या जवानांनी वर्तवली आहे. आग मोठी असल्याने दुरवरून आगीचे व धुराचे लोट दिसून येत होते.
या दुकानात प्यूमा कंपनीचे काही कपडे व इतर उत्पादने होती. या आगीत दुकानातील मोठा माल जळून खाक झाला आहे. यामुळे शॉप चालकाचे मोठे नुकसान झाले आहे. आगीत काही टी शर्ट व काही कपडे जळून खाक झाले आहेत.
संबंधित बातम्या