Mumbai Fire: मुंबईतील वांद्रे परिसरात भीषण आग, २० ते २५ झोपड्या जळून खाक, थरारक घटनेचा व्हिडिओ समोर

मुंबईतील वांद्रे पूर्व येथील ज्ञानेश्वर नगर येथील ओएनजीसी कॉलनीत आज दुपारी दोन वाजताच्या सुमारास भीषण आग लागली. या आगीत २० ते २५ झोपड्या जळून खाक झाल्या. या आगीच्या घटनेचे व्हिडिओ सोशल मीडियावर व्हायरल झाले आहेत, ज्यात झोपड्यांना मोठी आग लागल्याचे दिसत आहे. या आगीत अद्याप कोणतीही जीवितहानी झाल्याचे वृत्त नाही. या आगीमुळे स्थानिकांमध्ये घबराट पसरली. आगीचे कारण अस्पष्ट असून स्थानिक पोलीस ठाण्यात या घटनेची नोंद करण्यात आली.