Jalna Factory Blast: जालन्यातील बागेश्वरी साखर कारखान्यात भीषण स्फोट, दोन जण ठार!

जालना येथील बागेश्वरी साखर कारखान्यात सल्फर टाकीचा स्फोट झाल्याची घटना घडली. या घटनेत आप्पासाहेब पारखे आणि अशोक देशमुख यांचा या स्फोटात जागीच मृत्यू झाला. तर, नवनाथ पंढरपोटे आणि कदिर युनूस पटेल हे दोघे गंभीर जखमी झाले आहेत. जखमींना पुढील उपचारासाठी जालना येथील एका रुग्णालयात दाखल करण्यात आले. हा स्फोट कशामुळे झाला? याबाबत अद्यात कोणतीही अधिकृत माहिती समोर आली नाही. या घटनेची माहिती मिळताच स्थानिक पोलिसांनी घटनास्थळी धाव घेऊन पंचनामा केला. याप्रकरणी पोलीस अधिक तपास करीत आहेत.