आमच्या आयाबहिणींवर हल्ला झाला तेव्हा तू कुठं होतास रे टिकल्या! जरांगे पाटील यांनी कालीचरण महाराजांना झोडपून काढलं!

कालीचरण बाबांनी अलीकडंच एका कार्यक्रमात मनोज जरांगे यांची तुलना राक्षसाशी केली होती. हा माणूस हिंदू समाजात फूट पाडतो आहे, असं कालीचरण म्हणाले होते. यावर जरांगे पाटील यांनी तिखट प्रतिक्रिया दिली.

'ह्या बाबाला या विषयावर बोलण्याची काही गरजच नव्हती. आम्ही संत-महंतांना मानणारे लोक आहोत. पण आरक्षणाचा बाबाशी संबंध काय? ह्या लोकांनी आम्हाला वारकरी संप्रदायाचे संस्कार दिले पाहिजेत. एकजूट राहण्यासाठी आवाहन केलं पाहिजे. महाराजांचं हे काम असतं. आरक्षणावर बोलणं हे त्यांचं काम नाही. पण हा कोण बाबा आला? विचित्र प्राणी आहे. ह्याला काय घेणं होतं. मी कधी ह्याला काही बोललो होतो का? हा कुठनं टिकल्या लावतो. पुढनं लावतो का मागणं लावतो. आम्ही कधी काही बोललो होतो का? ह्याला मी ओळखतही नाही, असं जरांगे पाटील म्हणाले.

हेही वाचा: भाजपच्या नोट जिहादमुळं तावडेंच्या आयुष्याचा विनोद झाला, सुषमा अंधारेंचा देवेंद्र फडणवीसांवर निशाणा

‘हिंदुत्वाच्या गोष्टी ह्यानं आम्हाला शिकवायची गरज नाही. आंतरवाली सराटीत आमच्या आयाबहिणींवर हल्ला झाला तेव्हा हा टिकल्या कुठं होता. त्या आयाबहिणी हिंदू नव्हत्या का? आमच्या पोरांनी फाशी घेतली तेव्हा हा कुठे होता. ते हिंदू नव्हते का? बेअकल्यासारखा बोलतो. टिकल्या लावतो. नथ घालतो. हा वर वेगळा दिसतो, खाली वेगळा दिसतो. मराठे हिंदू नाहीत का? हिंदूमध्ये अर्धा मराठा आहे. धर्मावर संकट येतं तेव्हा आमच्यासारखे गरीब हिंदूच रक्षण करतात. मराठे, ओबीसी आणि अठरापगड जातीच वार झेलतात. तुमच्यासारखे कुलुप लावून एसीत बसतात,' असा घणाघात जरांगे यांनी केला.

पाकिटं घेऊन कीर्तनं करणारे तुम्ही…

‘आमची गरिबाची लढाई आम्ही लढतो आहोत. त्या बाबाला आमचं दु:ख कळायचं नाही. आमची लोक रात्रंदिवस कष्ट करतात. त्यांचं दु:ख तुला कळायचं नाही. खरा वारकरी संप्रदाय आणि खरं हिंदुत्व चालवणारे खूप लोक आहेत देशात. त्यांच्यासमोर आम्ही नतमस्तक होतो. ह्याला काय माहीत आहे हिंदुत्व. रोज झोपेतून उठल्यानंतर रामराम करतो आम्ही. तुला काय कळणार? तुला इतका हिंदुत्वाचा कळवळा आहे तर आमच्या लोकांचं दु:ख समजून घ्यायला तू आला का? का नाही म्हटलास की या हिंदूंनाही आरक्षण द्या, असा सवाल जरांगे पाटील यांनी केला.

हेही वाचा: नेमकं चाललंय काय? पैसे वाटपाच्या राड्यानंतर विनोद तावडे, हितेंद्र ठाकूर एकाच गाडीतून निघून गेले!

‘तुला सुपारी घ्यायची तर घे, पण आमच्या नादाला लागण्याची गरज नाही. तुझ्यासारखे टुकार लोक मराठ्याची पोरं खिशात घेऊन फिरतात. तुला मराठा परवडणार नाही,’ असा इशाराही जरांगे पाटील यांनी कालीचरण महाराजांना दिला.