अजित पवार अपघाताने उपमुख्यमंत्री झालेत; त्यांनी भुजबळांना पुढं केलंय, जरांगे-पाटलांचा हल्लाबोल

मोडी लिपीतील मोठा पुरावा सापडला.. मनोज जरांगे पाटलांचा कुणबी दाखला मिळण्याचा मार्ग मोकळा!

अंबड येथे आयोजित पत्रकार परिषदेत मनोज जरांगे पाटील म्हणाले, अजित पवारांनी मराठा आक्षणाच्या विरोधातच आधीपासून काम केले आहे. तुमच्या पक्षातील माणूसच मराठा आरक्षणाच्या विरोधात बोलत होता. तुम्हीच त्यांना आधीपासून पाठिंबा देत होता का? आताच्या तुमच्या बोलण्यावरुन हेच लक्षात येत आहे. तुम्हीच त्या व्यक्तीला मराठ्यांच्या विरोधात पुढं केलंत हेच लक्षात येत, असा आरोप मनोज जरांगे पाटील यांनी जित पवारांवर केला आहे.

मराठा समाजाला आरक्षण मिळवून देण्यासाठी काहीही झालं तरी येत्या २० जानेवारीलाआम्ही मुंबईत धडकणारच, असा निर्धार मनोज जरांगे यांनी व्यक्त केलाहोता.तर, कुणीही कायदा हातात घेतला तर त्याचा मुलाहिजा ठेवणार नाही, अशा शब्दांत उपमुख्यमंत्री अजित पवार यांनी जरांगे पाटलांना इशारा दिला आहे.

अजित पवारांनी दिलेल्या इशाऱ्याबाबतच्या प्रश्नावर जरांगे पाटील म्हणाले की, मराठ्यांना तुमच्या विरोधात बोलायला लावू नका, तुम्हाला हे शेवटचं सांगणे आहे. अन्यथा तुमच्याकडे बघावं लागेल. तुम्ही अपघाताने झालेले उपमुख्यमंत्री आहात, तुम्हाला मराठा समाज उत्तर देईल, विनाकारण मराठ्यांच्या विरोधात काहीही भाष्य करून मराठा समाज आणि सरकारमध्ये गैरसमज निर्माण करू नका. तुम्हाला बोलायचे तर मराठ्यांच्या बाजूने बोला, अन्यथा आत्तापर्यंत तुम्ही जसे गप्प बसला तसेच पुढंही बसा. याच्यासाठीच तुम्ही गप्प बसला होतात का? असा सवालही जरांगे- पाटील यांनी उपस्थित केला.