‘बोरिवली काही धर्मशाळा नाही, जिथे..’; स्थानिकांच्या सन्मानासाठी अपक्ष लढणारच; गोपाळ शेट्टींनी भाजपला सुनावले

मी पक्षाशी अजूनही एकनिष्ठ असल्याचे गोपाळ शेट्टी यांनी म्हटले आहे. माजी खासदार गोपाळ शेट्टी बोरिवली विधानसभा लढवणार, अशी चर्चा रंगली होती. मात्र, पक्षाने तिसऱ्यांदा या मतदारसंघासाठी उमेदवार आयात केला आहे. यामुळे शेट्टी समर्थक नाराज झाले आहेत. पक्षाने तिकीट नाकारल्यानंतर आज सायंकाळच्या सुमारास कार्यकर्ते व नागरिक मोठ्या संख्येने रस्त्यावर उतरले.

काँग्रेसची चौथी उमेदवार यादी जाहीर, कोल्हापूर उत्तरचा उमेदवार बदलला

गोपाळ शेट्टी यांनी म्हटले की, म्हणाले की, बोरिवली काही धर्मशाळा नाही. संविधानानुसार नगरसेवक, विधानसभा आणि लोकसभेचा मतदारसंघ असतो. कायद्यानुसार कोणी कुठूही लढू शकतो. मात्र परंतु स्थानिक लोकांसाठी स्थानिक मुद्द्यावर निवडणूक लढवली पाहिजे. आधी विनोद तावडेंना आणलं,  त्यानंतर सुनील राणेंना आणले मी खासदार होतो लोकांनी चालवून घेतले. 

 एकनाथ शिंदेंच्या शिवसेनेची १५ उमेदवारांची तिसरी यादी जाहीर; कुणाकुणाला संधी? वाचा

त्यानंतर लोकसभेला मला बदलून पीयूष गोयल यांना आणलं. तरीही मी गोयल यांच्या पाठीशी होतो. मात्र आताही तेच झाले आहे. संजय उपाध्याय चांगले कार्यकर्ते आहेत व त्यांनी पक्षासाठी काम केलंय हे कोणीही नाकारत नाही, मात्र बोरिवली मतदारसंघात वारंवार अशाप्रकारे खेळ करणे बरोबर नाही.

शेट्टी म्हटले की, मी बोरिवलीचे दीर्घकाळ नेतृत्व केले आहे. मला सध्या लोकांची भावना जाणवते, की तुम्ही जर आता लढले नाही तर येणाऱ्या ५० वर्षात कुणीही लढणार नाही. पुढील ५० वर्ष बोरिवलीचा अशाप्रकारे वापर केला जाईल. ज्या बोरिवलीने मला पुढे आणले त्या लोकांसाठी जे काही करणे मला शक्य आहे त्यासाठी मी कटिबद्ध आहे असे त्यांनी ठामपणे सांगितले.

गोपाळ शेट्टी यांनी बंडखोरी करण्याचे संकेत दिले आहेत. ज्यानंतर बोरिवलीचे भाजपा उमेदवार संजय उपाध्याय यांनी त्यांची भेट घेऊन समजावण्याचा प्रयत्न केला. त्यामुळे आता उमेदवारी अर्ज भरण्याच्या शेवटच्या दिवशी गोपाळ शेट्टी काय निर्णय घेतात? हे पाहणे उत्सुकतेचे ठरणार आहे.