Maharashtra weather Update: राज्यात हुडहुडी! बोचरी थंडी, गार वाऱ्यांमुळे तापमानात मोठी घट! IMD ने दिला शीत लहरीचा अलर्ट

पुणे वेध शाळेने दिलेल्या माहितीनुसार उत्तेरकडील थंड वाऱ्यांचा जोर वाढला आहे. तर दक्षिण अंदमान समुद्र आणि परिसरावर असलेल्या चक्राकार वाऱ्यांमुळे कमी दाबचे क्षेत्र तयार होण्याची शक्यता आहे. या सोबतच लक्षद्वीप व मालदीव भागावर देखील कमी दाबाचे क्षेत्र सक्रिय झाले आहे. त्यामुळे पुण्यासह राज्यातील अनेक जिल्ह्यात तापमानात मोठी घट झाली आहे.

पुण्यात थंडीचा कडाका वाढला

पुण्यात शनिवारी थंडीचा कडाका वाढला. पुण्यात शनिवारी १०.१ डिग्री सेल्सिअस कमाल तापमानाची नोंद झाली. तर रविवारी सकाळी देखील मोठ्या प्रमाणात गारठा पडला असून धुके पडले होते. थंडीपासून बचाव करण्यासाठी ठिकठिकाणी शेकोट्या पेटल्याचे चित्र पुण्यात होते. पुण्यात पुढील पाच दिवस हवामान कोरडे राहणार असून तापमानात घट होण्याची शक्यता आहे. पुणे, पिंपरी- चिंचवडसह संपूर्ण जिल्ह्यातील किमान तापमानात मोठी घट झाली आहे.

मुख्यमंत्री, उपमुख्यमंत्री ते आमदार, कोणाला किती मानधन मिळते, तुम्हाला माहिती आहे का?

उत्तर महाराष्ट्र व विदर्भातील किमान तापमानात मोठी घड झाली आहे. काही जिल्ह्यात तापमान हे ९ ते १० अंशांवर आले आहे. पुढील काही दिवसांत राज्यात थंडीची लाट आणखी सक्रिय होणार आहे. ही लाट १८ डिसेंबर पर्यंत आणखी तीव्र होण्याची शक्यता आहे. मराठवाडा व मध्य महाराष्ट्रात देखील थंडी वाढली असून पुढील काही दिवसांत थंडीत आणखी वाढ होण्याची शक्यता वर्तवण्यात आली आहे. कोकण, मराठवाडा, विदर्भ, मध्य महाराष्ट्रात हवामान कोरडे राहण्याचा अंदाज असून यामुळे कमाल व किमान तापमानात कोणताही बदल होणार नसला तरी थंडी वाढणार आहे. धुळ्यासह मध्य महाराष्ट्रातील निफाड, जळगाव, अहिल्यानगर, जेऊर, नाशिक, मालेगाव, मराठवाड्यातील परभणी, विदर्भातील गोंदिया, वर्धा, नागपूर येथे तापमान १० अंशांच्या खाली नोंदवण्यात आले.

भारतातील टॉप १० सर्वात श्रीमंत YouTubers; त्यांचे शिक्षण, प्रवास आणि एकूण संपत्ती कीती ? वाचा!