Maharashtra Weather Update : राज्यात मुसळधार पावसाचा इशारा कायम! 'या' जिल्ह्यांना IMD ने दिला ऑरेंज अलर्ट
Maharashtra Weather Update : राज्यातील काही जिल्ह्यांमध्ये आजही अतिमुसळधार पावसाची शक्यता हवमान विभागाने वर्तवली आहे. कोकणासह मध्य महाराष्ट्रातील जिल्ह्यांचा यात समावेश आहे.
Maharashtra Weather Update : हवामान विभागाने आज देखील राज्यातील काही भागात अतिमुसळधार पाऊस पडण्याचा अंदाज वर्तवला आहे. मोठ्या प्रमाणात पाऊस पडण्याची शक्यता असल्याने नगरिकांनी काळजी घेण्याचे आवाहन करण्यात आले आहे. आज काही जिल्ह्यात यलो तर काही जिल्ह्यात ऑरेंज अलर्ट जारी करण्यात आला आहे. कोकणात पावसाचा जोर कायम असून रायगड, रत्नागिरी व सिंधुदुर्गला पावसाचा ऑरेंज अलर्ट तर पुणे व सातारा जिल्ह्याला देखील ऑरेंज अलर्ट देण्यात आला आहे. मुंबई, पालघरम ठाणे जिल्ह्याला यलो अलर्ट जारी केला आहे. विदर्भातील काही जिल्ह्यात देखील पावसाचा यलो अलर्ट तर काही जिल्ह्यात ऑरेंज अलर्ट देण्यात आला आहे. यात गडचिरोली, चंद्रपूर व गोंदिया जिल्ह्यांचा समावेश आहे.
तुमच्या शहरातील हवामान जाणून घेण्यासाठी येथे क्लिक करा
आज समुद्रसपाटीवर असलेल्या कमी दाबाचा पट्टा दक्षिण गुजरात ते उत्तर केरळ किनारपट्टी पर्यंत सक्रिय आहे. आज बंगालच्या उपसागराच्या उत्तर भागात आणि पश्चिम बंगाल आणि बांगलादेश लगतच्या किनारी भागात कमी दाबाचे क्षेत्र तयार झाले आहे. पुढील पाच ते सात दिवस तर मध्य महाराष्ट्र मराठवाडा व विदर्भात आज बहुतांश ठिकाणी पाऊस पडण्याची शक्यता आहे. त्यानंतर पुढील पाच ते सहा दिवस मध्य महाराष्ट्रात दोन ते तीन दिवस मराठवाडा व विदर्भात बऱ्याच ठिकाणी पाऊस पडण्याची शक्यता हवामान विभागाने वर्तवली आहे. विदर्भात ३० आणि ३१ जुलै व १ ऑगस्टला बहुतांश ठिकाणी पाऊस पडण्याची शक्यता आहे. आज साताऱ्याच्या घाट विभागात तुरळक ठिकाणी अत्यंत जोरदार पाऊस पडण्याची शक्यता आहे. तर पुण्याच्या घाट विभागात तुरळक ठिकाणी खूप जोरदार पाऊस पडण्याची शक्यता आहे. तसेच रायगड रत्नागिरी व सिंधुदुर्ग जिल्ह्यामध्ये तुरळक ठिकाणी खूप जोरदार पाऊस पडण्याची शक्यता आहे. चंद्रपूर गडचिरोली आणि गोंदिया या जिल्ह्यांमध्ये तुरळक ठिकाणी खूप जोरदार तसेच मेघगर्जने गर्जना व विजांच्या कडकडाटासह पाऊस पडण्याची शक्यता आहे. त्यामुळे या जिल्ह्यांना ऑरेंज अलर्ट देण्यात आला आहे. २८ ते ३० जुलै रोजी विदर्भात मेघगर्जना व विजांच्या कडकडाटा सहित पाऊस पडण्याची शक्यता आहे. त्यामुळे विदर्भात तीन दिवस यलो अलर्ट दिला आहे.
आज पुणे व आसपासच्या परिसरात आकाश सामान्यतः ढगाळ राहून अधून मधून मध्यम स्वरूपाचा पाऊस पडण्याची शक्यता आहे. घाट विभागात तुरळक ठिकाणी खूप जोरदार ते अत्यंत जोरदार पाऊस पडण्याची शक्यता आहे. उद्या देखील आकाश सामान्यतः ढगाळ राहून अधून मधून मध्यम स्वरूपाचा पाऊस पडण्याची शक्यता आहे. तर घाट विभागात तुरळक ठिकाणी खूप जोरदार ते अत्यंत जोरदार पाऊस पडण्याची शक्यता आहे. त्यामुळे पुणे जिल्ह्याच्या घाट विभागात रेड अलर्ट देण्यात आला आहे. त्यानंतर तीन ते पाच दिवस पुणे परिसरात हलक्या ते मध्यम स्वरूपाचा तसेच घाट विभागात तुरळक ठिकाणी जोरदार पाऊस पडण्याची शक्यता आहे.
मुंबई शहर आणि उपनगरात मध्यम ते मुसळधार पाऊस पडण्याची शक्यता आहे. अधूनमधून ४०-५० किमी ताशी वेगाने वारे वाहण्याची शक्यता आहे. तर कमाल व किमान तापमान अनुक्रमे ३०°C आणि २५°C च्या आसपास राहणार आहे.
