Maharashtra Weather Update : गुलाबी थंडी, दाट धुके अन् सोबतीला पाऊस! पुढील तीन दिवसांत राज्यातील हवामानात होणार मोठा बदल

हवामान विभागाने दिलेल्या माहितीनुसार पश्चिम बंगाल व चेन्नईकडे सायक्लोनिक सर्क्युलेशनमुळे चक्रीवादळासारखी स्थिती निर्माण झाली आहे. त्यामुळे परिणाम पुढचे तीन दिवस अलर्ट देण्यात आला आहे. राज्यातील किनारपट्टी जवळील गावांवर याच परिमाण होण्याची शक्यता आहे. विशेषता: रत्नागिरी व सिंधुदुर्ग जिल्ह्यात पाऊस पडण्याची शक्यता हवामान विभागाने वर्तवली आहे. या ठिकाणी वादळी वाऱ्यासह पाऊस पडण्याची शक्यता आहे.

प्रामुख्याने १४ आणि १५ तारखेला रत्नागिरी व सिंधुदुर्ग जिल्ह्यात मुसळधार पाऊस पडेल असा अंदाज हवामान विभागाने वर्तवला आहे. यानंतर तापमानात मोठी घट होण्याची शक्यता देखील हवामान विभगणे वर्तवली आहे.

महाराष्ट्रातील ५० टक्के मतदार संघात एकही मुस्लिम उमेदवार निवडणूक रिंगणात नाही! भाजप, काँग्रेसने किती जणांना दिली संधी ?

सध्या मुंबई, उपनगर, ठाणे, नवी मुंबईत सकाळच्या सुमारास गारवा जाणवत असून पुढील २ दिवसात आणखी तापमान कमी होण्याची शक्यता आहे. तर पश्चिम महाराष्ट्रातही तापमानात घट होण्याची शक्यता आहे. त्यामुळे राज्यात थंडी वाढली आहे. तर काही ठिकाणी सकाळी धुके आणि थंडी तर काही ठिकाणी दमट वातावरण नागरिक अनुभवत आहेत.

सरकारच्या रडावर परदेशी निधी घेणाऱ्या NGO! गृहमंत्रालय लवकरच मोठी कारवाई करण्याची शक्यता; काय आहे प्रकरण ?

या ठिकाणी पावसाची शक्यता

पुणे, कोल्हापूर, सातारा आणि घाटमाथ्यावर १४ आणि १५ नोव्हेंबर रोजी वादळी वाऱ्यासह पावसाचा इशारा देण्यात आला आहे. सांगलीतही २ दिवस वादळी वाऱ्यासह पाऊस पडण्याची शक्त्या आहे. तर लातूर-धाराशीव, सोलापूरमध्ये हलक्या स्वरुपाचा पाऊस पडेल अशी शक्यता हवामान विभागाने वर्तवली आहे. कोल्हापूर व घाटमाथ्यावर आज व उद्या हलक्या स्वरुपाचा पाऊस पडण्याची शक्यता आहे. राज्यात दिवसभर उष्णता आणि रात्री गारठा तर सकाळी धुके असे बहुतांश ठिकाणी वातावरण आहे.