मराठी बातम्या  /  महाराष्ट्र  /  Maharashtra Weather Update : विदर्भात गारपीटीचा इशारा! काही जिल्ह्यांना यलो आणि ऑरेंज अलर्ट, वाचा हवामानाचा अंदाज

Maharashtra Weather Update : विदर्भात गारपीटीचा इशारा! काही जिल्ह्यांना यलो आणि ऑरेंज अलर्ट, वाचा हवामानाचा अंदाज

Ninad Vijayrao Deshmukh HT Marathi
Mar 18, 2024 06:09 AM IST

Maharashtra Weather Update : विदर्भात आज गारपीट होण्याचा अंदाज हवामान विभागाने दिला आहे. शनिवारी झालेल्या पावसामुळे विदर्भात मोठे नुकसान झाले होते. त्या नंतर आज पासून २१ तरखे पर्यंत वादळी वाऱ्यासह पावसाचा अंदाज वर्तवण्यात आला आहे.

विदर्भात गारपीटीचा इशारा! काही जिल्ह्यांना यलो आणि ऑरेंज अलर्ट, वाचा हवामानाचा अंदाज
विदर्भात गारपीटीचा इशारा! काही जिल्ह्यांना यलो आणि ऑरेंज अलर्ट, वाचा हवामानाचा अंदाज (HT)

Maharashtra Weather Update : राज्यात विदर्भ आणि मराठवाड्यावर अवकाळी पावसाचे संकट आहे. मोठ्या प्रमाणात वादळी वाऱ्यासह गारपीट होण्याची शक्यता हवामान विभागाने वर्तवली आहे. साधारण १८ ते २१ पर्यंत पावसाचा अंदाज देण्यात आला आहे. प्रामुख्याने विदर्भातील, गोंदिया, वर्धा, नागपूर, अमरावती, यवतमाळ, गडचिरोली जिल्ह्यात वादळी वाऱ्यासह पावसाचा इशारा देण्यात आला आहे. तर आज गोंदिया, वर्धा, यवतमाळ जिल्ह्यात गारपीट होण्याची शक्यता वर्तवण्यात आली आहे. यामुळे काही जिल्ह्यांना यलो अलर्ट तर काही जिल्ह्यांना ऑरेंज अलर्ट देण्यात आला आहे.

CTA icon
तुमच्या शहरातील हवामान जाणून घेण्यासाठी येथे क्लिक करा

Prakash Ambedkar: मोदींनी शेवटचे ४ दिवस तरी पत्नीला घरी राहायला आणावे; 'मोदी का परिवार'वर आंबेडकरांचा टोमणा

हवामान विभागाच्या पुणे वेध शाळेने दिलेल्या माहितीनुसार मराठवाडा ते कुमोरीन एरियावर असलेली द्रोणीका रेषा आज विदर्भ ते उत्तर केरळ पर्यंत मराठवाडा व कर्नाटक वरून जात आहे. यामुळे प्रती चक्रवात आता पश्चिम मध्य आणि लगतच्या बाह्य बंगालच्या उपसागरावर आहे. याचा दूरगामी परिमाण राज्याच्या हवामानावर होणार आहे. राज्यात विदर्भात आणि मराठवाड्यात वादळी वाऱ्यासह पाऊस आणि गारपीट होण्याची शक्यता आहे.

Rahul Gandhi: ईव्हीएमशिवाय मोदी कोणतीही निवडणूक जिंकू शकत नाहीत; राहुल गांधी यांचा थेट हल्ला

हवामान विभागाने विदर्भात आजपासून २१ तारखेपर्यंत काही ते बऱ्याच ठिकाणी हलका ते मध्यम स्वरूपाच्या पावसाचा अंदाज वर्तवला आहे. तर मराठवाड्यात १७ ते २० तारखे दरम्यान व मध्य महाराष्ट्राच्या दक्षिण भागात १९ तारखेला तूरळक ठिकाणी पाऊस पडण्याची शक्यता सांगितली आहे. मराठवाड्यातील लातूरला आज तर नांदेड जिल्ह्यात आज आणि १९ तारखेला तसेच विदर्भातील भंडारा, गडचिरोली, गोंदियाला १७ ते २० तर अमरावती, चंद्रपूर, नागपूर, वर्धा व यवतमाळ जिल्ह्यात १८ ते १९ तारखेला मेघगर्जना आणि विजांचा कडकडाट व सोसाट्याच्या वाऱ्यासह पावसाचा अंदाज आहे. विदर्भातील वर्धा व यवतमाळ जिल्ह्यात आज तर चंद्रपूरला १८ तारीख गोंदिया १८ आणि 19 अमरावती आणि नागपूर १९ तारीख व भंडार्याला २० तारखेला तुरळ ठिकाणी गारपीट होण्याची शक्यता आहे.

WPL 2024 Final : अखेर आरसीबीनं ट्रॉफी जिंकली, दिल्ली कॅपिटल्सचा धुव्वा उडवत पटकावलं WPL विजेतेपद

पुण्यात असे असेल हवामान

पुणे आणि परिसरासाठी हवामानाचा अंदाज आज आकाश आज तो उद्या आकाश मुख्यतः निरभ्र राहण्याची तर १९ ला मुख्यतः निरभ्र आकाश वेळोवेळी अंशतः ढगाळ राहण्याची शक्यता आहे व त्यामुळे १९ तारखेला कमाल तापमानात किरकोळ घट अपेक्षित आहे १९ तारखेनंतर आकाश मुख्यतः निरभ्र राहण्याचा अंदाज आहे.

मुंबईसह उर्वरित पुण्यात तापमान वाढणार

राज्यात एकीकडे पावसाची शक्यता वर्तवण्यात आली आहे. तर दुसरीकडे तापमानात मोठी वाढ होण्याची शक्यता वर्तवली आहे. मुंबईसह पुण्यात आणि इतर जिल्ह्यात ऊन वाढणार आहे. यामुळे तापमानात देखील मोठी वाढ होण्याची शक्यता वर्तवण्यात आली आहे.

IPL_Entry_Point