Unseasonal Rain : राज्यात अवकाळी पावसाचा कहर! २४ तासात वीज कोसळल्यामुळे ५ ठार; साताऱ्यात ईव्ही दुचाकीवर कोसळली वीज

Maharashtra Weather Update : चौथ्या टप्प्यातील मतदानावर अवकाळी पावसाचे सावट! 'या' मतदार संघात मुसळधार पावसाचा इशारा

वर्धा जिल्ह्यात जोरदार पाऊस

विदर्भात पावसाने कहर केला आहे. रविवारी वर्धा जिल्ह्यात मुळसाधार पाऊस झाला. या पावसामुळे शेतातील पिकांचे मोठे नुकसान झाले. तर वादळी वाऱ्यामुळे अनेक झाडे उन्मळून पडली. येथील बाजार समितीत असणारे धान्य पावसामुळे भिजले. तर वीज कोसळल्यामुळे काही प्राण्यांचा मृत्यू झाला.

Ravindra Dhangekar: भाजपनं लोकशाहीची हत्या केली, रवींद्र धंगेकर यांचं पोलीस ठाण्यात ठिय्या आंदोलन

नागपुरात वीज पडून दोघे ठार

नागपूर जिल्ह्यातही गेल्या दोन ते तीन दिसवांपासून पावसाने कहर केला आहे. येथील कोंढाळी पोलीस स्टेशन अंतर्गत आलागोंदी येथे रविवारी दुपारच्या सुमारास एका झाडावर वीज पडून कंदुरीच्या कार्यक्रमासाठी शेतात आलेल्या दोघांच्या जागीच मृत्यू झाला. भगवंतराव भोंडवे (वय ५, रा. उदखेड, ता. मोर्शी, जि. अमरावती), जयदेव मानोटे (वय ५५, रा. प्रभातपट्टण, जि. बैतूल, मध्य प्रदेश) असे ठार झालेल्या दोघांची नावे आहेत. हे दोघे पाऊस सुरू झाल्याने शेतातील पळसाच्या झाडाखाली थांबले होते. यावेळी या फडसाच्या झाडावर वीज कोसळल्याने दोघांही जागीच मृत्यू झाला.

Raj Thackeray: राज ठाकरे यांचं पुन्हा लाव रे तो व्हिडीओ; यंदा कोणाकडं दाखवलं बोट?

छत्रपती संभाजीनगरमधील दोघे ठार

मराठवाड्यात नांदेड, संभाजीनगर, लातूर, हिंगोली येथे देखील अवकळी पावसाने थैमान घातले आहे. येथे शुक्रवारी झालेल्या वादळी वाऱ्यासह वीजांचा कडकडाट व पावसामुळे मोठे नुकसान झाले. छत्रपती संभाजीनगरमधील पावसामुळे दोघांचा मृत्यू झाला आहे. येथील लाडसावंगी परिसरातील अंजनडोह येथे वीज पडून तातेराव आगाजी शिनगारे तर फुलंब्री तालुक्यातील आडगाव येथे वाऱ्यामुळे उडालेल्या पत्रा लागल्याने प्रल्हाद दलसिंह बारवल हा व्यक्ति ठार झाला आहे. मारठवड्यातील अनेक जिल्ह्यात आज ऑरेंज आणि यलो अलर्ट देण्यात आला आहे. तर गावातीलच दुसऱ्या घटनेत कैलास भूमी यांच्या शेतात वीज पडून एका बैलाचा मृत्यू झाला.

साताऱ्यात इलेक्ट्रिक बाईकवर वीज कोसळून एक ठार

इलेक्ट्रिक दुचाकीवर वीज कोसळल्याने एकाचा मृत्यू तर एक जण गंभीर जखमी झाला आहे. ही घटना साताऱ्यातील फलटण येथे शनिवारी संध्याकाळी घडली. ज्ञानेश्वर ढोले असे ठार झालेल्या मुलाचे नाव आहे तर ऋषिकेश भिसे व विक्रम धायगुडे हे दोघे जखमी झाले आहेत. दुचाकीवरून जात असतांना सरडे गावाजवळ त्यांच्या गाडीवर वीज कोसळली.

नाशिकमध्ये अंगण झाडणाऱ्या महिलेवर कोसळली वीज 

जिल्ह्यात गेली दोन दिवसांपासून बेमोसमी पावसाचा तडाखा बसत आहे. तालुक्यात रविवारी (दि.१२) सकाळी ६ वाजेच्या सुमारास भाटगाव रोड, परसूल येथे अंगण झाडत असलेल्या महिलेवर वीज कोसळून तिचा मृत्यू झाला आहे. शोभा कैलास निकम (४८, रा. भाटगाव रोड, परसूल, ता. चांदवड) असे या मृत महिलेचे नाव आहे. सकाळी ६ वाजेच्या सुमारास मेघगर्जनेसह पाऊस सुरू झाला. यावेळी घरासमोरील अंगण झाडत असताना शोभा निकम यांच्या अंगावर वीज कोसळली. त्यात त्या गंभीर जखमी झाल्या. त्यांना उपचारार्थ चांदवड उपजिल्हा रुग्णालयात दाखल केले असता डॉक्टरांनी त्यांना मृत घोषित केले.