मराठी बातम्या  /  महाराष्ट्र  /  Maharashtra weather update: राज्यात गारठा वाढणार! तापमानात होणार ४ ते ५ अंशाने घट; आजही काही जिल्ह्यात अवकाळी बरसणार

Maharashtra weather update: राज्यात गारठा वाढणार! तापमानात होणार ४ ते ५ अंशाने घट; आजही काही जिल्ह्यात अवकाळी बरसणार

Ninad Vijayrao Deshmukh HT Marathi
Jan 11, 2024 05:37 AM IST

Maharashtra weather update: राज्यात गेल्या दोन दिवसांपासून पाऊस होत आहे. आज देखील राज्यात पुणे, कोकण, तसेच धुळे, जळगावसह काही जिल्ह्यात पाऊस पडण्याची शक्यता वर्तवण्यात आली आहे. या सोबतच थंडी देखील वाढणार आहे.

Winter Season In Maharashtra
Winter Season In Maharashtra (HT)

Maharashtra weather update: राज्यात दोन दिवसांपासूंन अवकाळी पावसाने धुमाकूळ घातला आहे. या पवसामुळे पिकांना मोठा फटका बसला आहे. बुधवारी पुण्यात आणि परिसरात पावसाने हजेरी लावली होती. दरम्यान, आज देखील राज्यात विंड इंटरॅक्शनमुळे कोकण, गोवा, मध्य महाराष्ट्र आणि मराठवाडा येथे तुरळक ठिकाणी हलक्या ते अति हलक्या स्वरूपाचा पाऊस होण्याची शक्यता हवामान विभागाने वर्तवली आहे. या सोबतच वातावरणात तब्बल ४ ते ५ अंशांनी घट होणार असल्याने थंडी देखील वाढणार आहे. दरम्यान, ११ तारखेनंतर तापमानात हळू हळू वाढ होईल.

CTA icon
तुमच्या शहरातील हवामान जाणून घेण्यासाठी येथे क्लिक करा

Mumbai Pune express way: मुंबई-पुणे एक्सप्रेस हायवेवर गॅन्ट्री बसवण्यातही आज २ तासांचा मेगाब्लॉक; 'या' वेळेत वाहतूक बंद

पश्चिमी विक्षोभ सध्या वायव्य उत्तर प्रदेश आणि लगतच्या प्रदेशावर आहे. तसेच राज्यावर साऊथ ईस्टर्ली वाऱ्यांचा प्रभाव असून आजही विंड इंटरॅक्शनमुळे कोकण, गोवा, मध्य महाराष्ट्र आणि मराठवाडा येथे तुरळक ठिकाणी हलक्या ते अति हलक्या स्वरूपाचा पाऊस होण्याची शक्यता आहे. उद्यापासून राज्याच्या हवामानावर विंड इंटरॅक्शनचा प्रभाव कमी होऊन त्यानंतर पूर्ण राज्यात आकाश निरभ्र होऊन हवामान कोरडे राहील. ११ व १२ तारखेनंतर उत्तरेकडील वाऱ्यामुळे किमान तापमान जे सध्या सामान्य पेक्षा वाढले होते, ते ४ ते ५ डिग्री सेल्सियसली घट होण्याची शक्यता आहे. कमाल तापमान पुढील काही दिवस हळूहळू वाढण्याची शक्यता आहे.

Mumbai Pune express way: मुंबई-पुणे एक्सप्रेस हायवेवर गॅन्ट्री बसवण्यातही आज २ तासांचा मेगाब्लॉक; 'या' वेळेत वाहतूक बंद

पुणे आणि परिसरासाठी हवामानाचा अंदाज पुढील 24 तास आकाश अंशतः ढगाळ राहून तुरळलक ठिकाणी अति हलक्या पावसाची संभावना आहे. उद्या आकाश निरभ्र आकाश वेळोवेळी अंशिक ढगाळ राहण्याचा अंदाज आहे. १२ तारखेनंतर आकाश मुख्यतः निरभ्र राहण्याची शक्यता आहे. या काळात किमान तापमानात ४ ते ५ डिग्री सेल्सियसली घट होण्याची शक्यता आहे, तर कमाल तापमान हळूहळू वाढेल पुढील दोन दिवस पहाटे धुके पडण्याची शक्यता आहे.

राज्यात सिंधुदुर्ग, रत्नागिरी, पुणे, मुंबई, सातारा, अहमदनगर जिल्ह्यात दोन दिवसांपासून हलका ते अतिहालका पाऊस झाला. पुण्यात सकाळी हलका तर भागात जोरदार पाऊस झाला. हवामान अंदाजानुसार, पुढील २४ तासात दक्षिणेकडील किनारपट्टीवर मध्यम ते जोरदार पावसाचा अंदाज आहे. दक्षिण भारतात मोठ्या प्रमाणात थंडी वाढणार आहे. तापमान शून्य अंशांच्या जवळपास पोहचण्याचा अंदाज आहे.

WhatsApp channel