Maharashtra Weather News : राज्याच्या हवामानात मोठा बदल! लागली थंडीची चाहूल; कुठे गारठा तर कुठे पाऊस
Maharashtra Weather News : राज्याच्या हवामाणात सध्या मोठ्या प्रमाणात बदल झाला आहे. काही ठिकाणी पाऊस तर काही ठिकाणी पाऊस पडण्याची शक्त्या वर्तवण्यात आली आहे.
Maharashtra Weather News : राज्यात हवामानात मोठा बदल झाला आहे. पावसानंतर आता थंडीची चाहूल लागली आहे. पुण्यासह काही भागात तापमानात मोठी घट नोंदवण्यात आली आहे. काही जिल्ह्यात थंडी तर काही जिल्ह्यात वादळी वाऱ्यासह पावसाचा इशारा हवामान विभागाने दिला आहे.
तुमच्या शहरातील हवामान जाणून घेण्यासाठी येथे क्लिक करा
हवामान विभागाच्या अंदाजानुसार यावर्षी दिवाळीत थंडी तर काही ठिकाणी पावसाळी वातावरण राहणार आहे. पुढील काही तासांत विदर्भ आणि मराठवाड्याच्या काही परिसरात तुरळक ठिकाणी वीजांच्या कडकडाटासह पावसाचा अंदाज वर्तण्यात आला आहे. तर, कोकण पट्ट्यामध्ये हवेतील आर्द्रता वाढल्यानं तापमानाच वाढ होणार आहे. राज्यातील कमाल आणि किमान तापमानात देखील वाढ होण्याची शक्यता आहे.
पुण्यात तापमानात घट
भारतीय हवामान खात्याच्या (आयएमडी) आकडेवारीनुसार, शुक्रवारी व शनिवारी शहरातील रात्रीचे तापमान १६.७ अंश सेल्सिअसपर्यंत घसरले, जे ऑक्टोबरमधील सर्वात कमी तापमान होते. शहरात २३ ऑक्टोबरपासून रात्रीच्या तापमानात सातत्याने घट होत आहे. शनिवारी देखील २१.७ अंश सेल्सिअस तापमानाची नोंद झाली असून २५ ऑक्टोबररोजी ते १६.७ अंश सेल्सिअसपर्यंत घसरले. या दरम्यान कमाल तापमानही २३ ऑक्टोबरला ३३.७ अंशसेल्सिअसवरून २५ ऑक्टोबरला ३२.७ अंश सेल्सिअसपर्यंत किंचित घसरले. मात्र, २६ ऑक्टोबर रोजी कमाल तापमानात वाढ झाली असून पुणे शहरात ३३.२ अंश सेल्सिअस कमाल तापमानाची नोंद झाली असून ते सरासरीपेक्षा १.७ अंश सेल्सिअसने अधिक आहे.
रात्रीच्या तापमानात घट झाल्याने शहरात रात्री उशिरा आणि पहाटेच्या वेळी धुके निर्माण झाल्याने अनेक भागात दृश्यमानतेवर किंचित परिणाम झाला. पूर्व किनारपट्टीवर नुकत्याच ओडिशाच्या किनारपट्टीवर धडकलेल्या दाना चक्रीवादळाची पश्चिमेकडे वाटचाल सुरू झाल्याने महाराष्ट्रात आर्द्रता वाढली असून २७ ऑक्टोबरपासून शहराच्या तापमानात वाढ होण्याची शक्यता आहे.
आयएमडी पुणेचे हवामान व अंदाज विभागाचे माजी प्रमुख अनुपम कश्यपी म्हणाले, 'दाणा नदीच्या अवशेषांच्या पश्चिमेकडे सरकल्यामुळे विदर्भामार्गे राज्यात सापेक्ष आर्द्रतेचे प्रमाण वाढू लागले आहे. यामुळे पुणे शहरासह महाराष्ट्रात २९ ऑक्टोबर ते २ नोव्हेंबर दरम्यान मेघगर्जनेसह हलका पाऊस पडण्याची शक्यता आहे. २८ ऑक्टोबरपासून विदर्भ आणि दक्षिण महाराष्ट्रात पावसाची शक्यता आहे.
नोव्हेंबर महिन्याच्या सुरुवातीला तापमानात काहीशी घट होणार असून, उत्तर आणि मध्य महाराष्ट्रात गुलाबी थंडीची चाहूल लागणार आहे. तिथं देशाच्या उत्तरेकडील राज्यांमधूनही पावसानं केव्हाचीच माघार घेतली असून, आता तापमानत घट होण्यास सुरुवात झाली आहे. हिमालयावरून येणाऱ्या शीतलहरींनी आता वेग धारण करण्यास सुरुवात केल्यामुळं हवेत गारठा जणवू लागला आहे.
संबंधित बातम्या