वस्रोद्योग क्षेत्रात महाराष्ट्र करणार बेलारुसला सहकार्य; बेलारूसच्या वस्त्रोद्योग मंत्र्यांची मंत्रालयात चर्चा

सध्या बेलारूस भारतामध्ये वार्षिक दहा लाख दशलक्ष डॉलर्सचे टेक्स्टाईल निर्यात करते दोन्ही देशातील व्यापार या त्या त्या देशांच्या राष्ट्रीय चलनामध्ये आता होत आहे त्यामुळे दोन्ही देशातील व्यापाऱ्यांना हे अधिक सोपे जाईल असे त्या म्हणाल्या. बेलारूस मध्ये टेक्सटाईल ट्रेड हा विषय नॅशनल कमोडीटी मध्ये सामील आहे. मुंबईमध्ये त्यांनी नेस्कोच्या प्रदर्शनाला देखील भेट दिली. भारत आणि बेलारूस यामध्ये अधिकाधिक सहकार्य कसे होईल या करिता अधिक संशोधन आम्ही करत आहोत. वस्त्रोद्योगाच्या कोणकोणत्या क्षेत्रात दोन्ही देशांना सहकार्य करता येईल आणि विशेषतः महाराष्ट्र सरकार बरोबर आम्ही संशोधन करत असल्याचे त्यांनी सांगितले .

बेलारूस मध्ये लिनन कपड्यांचे सर्वोत्कृष्ट उत्पादन होते आणि लिनन कपड्यांच्या निर्मितीसाठी बेलापूर जगभर प्रसिद्ध आहे.

याबाबत दोन्ही देशांना अधिक सहकार्य करण्याची गरज आहे व त्या दृष्टीने पावले उचली जात असल्याचेही त्यांनी सांगितले. मुंबईत त्यांनी ऋषभ वर्ल्ड या संस्थेला देखील भेट दिली ही संस्था टेक्स्टाईल निर्मिती बरोबरच टेक्स्टाईल उद्योगाबाबत मार्गदर्शन करण्याचे काम करते.

भारतीय तसेच जगातील इतर अनेक देशांना बेलारूस वस्त्रोद्योगाच्या शिक्षणाकरता शिष्यवृत्ती देते आणि बेलारूस मध्ये काही दिवस राहण्याची संधी देते. एकूण आपली धावती भेट ही अत्यंत यशस्वी झाल्याचे त्यांनी सांगितले. बेलारुस हा एक कोटी लोकांचा छोटा देश आहे परंतु वस्त्रोद्योगांमध्ये त्यांनी चांगली प्रगती केल्याचे लुहिना यांनी सांगितले.