Maharashtra Rain: पुणे, रायगड, सातारा जिल्ह्यात अतिवृष्टीची शक्यता, जाणून घ्या हवामान विभागाचा अंदाज
Maharashtra Weather Updates: पुणे, रायगड, सातारा जिल्ह्यात आज मुसळधार ते अतिमुसळधार पावसाची शक्यता वर्तवण्यात आली आहे.
Weather News: आठवडाभर विश्रांती घेतल्यानंतर राज्यामध्ये पावसाचा जोर पुन्हा एकदा वाढला आहे. मुंबईसह राज्यातील अनेक भागांत मुसळधार पावसाने हजेरी लावली. याच पार्श्वभूमीवर पुणे, रायगड आणि सातारा जिल्ह्यांत आज मुसळधार पावसाची शक्यता आहे, असा अंदाज हवामान विभागाकडून व्यक्त करण्यात आला.
महाराष्ट्रात गेल्या अनेक दिवसांपासून विश्रांती घेतलेल्या पावसाने पुन्हा एकदा जोर धरला आहे. राज्यात काल अनेक ठिकाणी मुसळधार पावसाने हजेरी लावली. अनेक भागांत गुडघाभर पाणी साचल्याने नागरिकांचे हाल झाले. आजही पावसाचा जोर कायम राहील, असा अंदाज हवामान विभागाने व्यक्त केला आहे. मराठवाडा, उत्तर महाराष्ट्रासह राज्यातील काही जिल्ह्यात वादळी पावसाची शक्यता व्यक्त करण्यात आली. पुणे, रायगड, सातारा जिल्ह्यात पावसाचा रेड अलर्ट देण्यात आला आहे. याशिवाय, मुंबई, ठाणे, पालघर, नाशिक, रत्नागिरी, जळगाव येथेही मुसळधार पावसाची शक्यता आहे.
शनिवारी मुंबईच्या काही भागांत १०० मिमीपेक्षा जास्त पाऊस झाला. सकाळी ८ ते सायंकाळी ६ या वेळेत मागाठाणे येथे १०७ मिमी तर मुलुंडच्या वीणा नगरमध्ये १०२ मिमी पावसाची नोंद झाली. कुर्ल्यातील एकसार येथे ९४ मिमी आणि एलबीएस मार्गावर अनुक्रमे ९४ मिमी आणि ९३ मिमी आहे. आयएमडीच्या अंदाजानुसार ओला आठवडा सोमवारपर्यंत कायम राहणार असला तरी पावसाचे प्रमाण कमी होईल. रविवारी आणि सोमवारी 'तुरळक ठिकाणी मुसळधार पाऊस' असा यलो अलर्ट जारी करण्यात आला आहे.
आयएमडीच्या शास्त्रज्ञ सुषमा नायर यांनी सांगितले की, कमी दाबाचे क्षेत्र आणि समुद्रकिनारी कमी दाबाचा पट्टा आहे, ज्यामुळे शहरात मुसळधार पाऊस पडत आहे. शहरात सर्वात कमी पाऊस झाला असून सरासरी २२.०९ मिमी, तर पश्चिम आणि पूर्व उपनगरात अनुक्रमे ५०.५९ मिमी आणि ४६.१९ मिमी पावसाची नोंद झाली आहे. कुलाबा वेधशाळेने याच तासात १३.८ मिमी आणि सांताक्रूझ येथे ४६.९ मिमी पावसाची नोंद केली.
शनिवारी सकाळी साडेआठ पर्यंतच्या चोवीस तासांत कुलाबा येथे १४ मिमी तर सांताक्रूझ येथे ५९ मिमी पावसाची नोंद झाली. पावसामुळे शहरातील तापमानात घसरण झाली. कुलाबा येथे कमाल तापमान २७.५ अंश सेल्सिअस तर सांताक्रूझ येथे २७.८ अंश सेल्सिअस नोंदवले गेले.
पुण्यातील शिवाजीनगरमध्ये २० ऑगस्टपर्यंत १८५.४ मिमी पावसासह सुमारे ३९.९ मिमी जास्त पाऊस झाला. तसेच महिन्याच्या अखेरीस पावसाचा जोर वाढणार असल्याने हा आकडा वाढण्याची शक्यता आहे. आयएमडीने दिलेल्या माहितीनुसार, ऑगस्ट मध्ये पुणे शहरात सरासरी १४५.५ मिमी पाऊस पडतो. मात्र, यंदा २० ऑगस्टपर्यंत शहरात ३९.९ मिलिमीटर अतिरिक्त पावसाची नोंद झाली असून सर्वाधिक पाऊस महिन्याच्या पूर्वार्धात झाला आहे. तसेच १७ व १८ ऑगस्ट रोजी झालेल्या वादळी वाऱ्यापर्यंत सुमारे १० दिवसांपासून शहरात पावसाची लक्षणीय हालचाल झालेली नाही.जून महिन्यात शहरात ३६ मिलिमीटरपेक्षा अधिक पावसाची नोंद झाली. तर, ११ ते १६ मिलिमीटरच्या दरम्यान पावसाची नोंद झाल्याच्या अनेक घटना घडल्या.