Maha Prisons Recruitment : महाराष्ट्र कारागृह विभागात विविध पदांसाठी भरती; जाणून घ्या पात्रता आणि वेतन

या भरती अंतर्गत एकूण २५५ पदांवर भरती केली जाणार आहे. ज्यात लिपिक, वरिष्ठ लिपिक, लघुलेखक निम्न श्रेणी, मिश्रक, शिक्षक, शिवणकाम निदेशक, सुतारकाम निदेशक, प्रयोगशाळा तंत्रज्ञ, बेकरी निदेशक, ताणाकार, विणकाम निदेशक, चर्मकला निदेशक, यंत्रनिदेशक, रवत्या, लोहारकाम निदेशक, कातारी, गृह पर्यवेक्षक आणि अशा अनेक पदांचा समावेश आहे. या पदांसाठी इच्छुक असलेल्या उमेदवारांना ऑनलाईन पद्धतीने अर्ज करायचा आहे. २१ जानेवारी २०२३ अर्ज करण्याची शेवटची तारीख आहे.

कोणकोणत्या पदांवर भरती

या भरतीद्वारे लिपिक पदासाठी सर्वाधिक १२५ पदे भरली जाणार आहेत. तर, वरिष्ठ लिपिक पदासाठी ३१ पात्र उमेदवारांची निवड केली जाणार आहे. याशिवाय, लघुलेखक निम्न श्रेणी- ०४, मिश्रक- २७, शिक्षक- १२, शिवणकाम निदेशक- १०, सुतारकाम संचालक- १०, प्रयोगशाळा तंत्रज्ञ - ०८ जागा आणि इतर जांगावर २८ पदे भरली जाणार आहेत.

इतका पगार मिळणार

लिपिक: १९ हजार ९०० ते ६३ हजार २००

लघुलेखक निम्न श्रेणी: ३८ हजार ६०० ते १ लाख २२ हजार ८००

मिश्रक: २९ हजार २०० ते ९२ हजार ३००

उर्वरित सर्व पदांसाठी: २५ हजार ५०० ते ८१ हजार १००

LIC HFL Recruitment 2023: एलआयसी हाउसिंग फायनान्समध्ये नोकरीची संधी; 'इतका' पगार मिळणार!

पात्रता

शैक्षणिक पात्रता पदाच्या आवश्यकतेनुसार असून त्याचे विस्तृत तपशील अधिसूचनेत नमूद केले आहेत. अधिसूचना वाचण्यासाठी उमेदवारांना महाराष्ट्र कारागृह विभागाच्या अधिकृत वेबसाईटवर भेट द्यावी.