'पवारांकडून शिंदेंचा सत्कार दुर्देवी', म्हणणाऱ्या संजय राऊतांना एकनाथ शिंदेंचं जशास तसं प्रत्युत्तर, म्हणाले..

त्यांना द्वेषाने पछाडलं आहे. आतापर्यंत त्यांना शरद पवार साहेब वंदनीय होते,पण पवार साहेबांनी माझा सत्कार केल्यानंतर त्यांनी पवारांचाही अपमान केला,असं प्रत्युत्तर उपमुख्यमंत्री एकनाथ शिंदे यांनी संजय राऊत यांना दिलं आहे.

एकनाथ शिंदे शरद पवार एकत्र आल्याने ठाकरेंचं टेंशन वाढलं! सत्कार सोहळ्यावर राऊतानंतर उद्धव ठाकरेंनी व्यक्त केली नाराजी

एकनाथ शिंदे म्हणाले की, टीका करणाऱ्यांना जनतेने त्यांची जागा दाखवली असून निवडणुकीत त्यांचा सुपडासाफ झाला आहे. त्यामुळे त्यांचं संतुलन बिघडलं आहे. ज्या द्वेषाने ते पछाडले आहेत. त्यांना मोदी,शाह आणि एकनाथ शिंदेंचा द्वेष आहे. ते द्वेषाने इतके पछाडले आहे की, त्यांनी महापराक्रमी योद्धा महादजी शिंदे यांचाही अपमान केला. त्यांनी साहित्यिकांना दलाल म्हणत त्यांचाही अपमान केला. पवार साहेब त्यांना वंदनीय होते. मात्र माझा सत्कार केल्यावर त्यांचाही अपमान केला.

जे जे शिवसेनेत येणार त्यांचे स्वागत -

शिवसेनेत येण्यास जे जे इच्छुक आहेत, त्यांचं स्वागत करतो. ही बाळासाहेबांची शिवसेना आहे. जे येतात त्यांचं स्वागत करतो. ते का येत आहेत? त्याचं आत्मचिंतन समोरच्यांनी करावं” असं एकनाथ शिंद म्हणाले. उद्या राजापूरचे माजी आमदार राजन साळवी शिवसेना शिंदे गटात प्रवेश करणार आहेत. साळवी यांनी आज ठाकरे गटाच्या उपनेते पदाचा राजीनामा दिला आहे.

मनसे आणि भाजपची युती ‘तन-मन-धनाची’; राज ठाकरे यांचं घर म्हणजे राजकीय 'कॅफे'; ‘सामना’च्या अग्रलेखातून टोलेबाजी

काय म्हणाले होते संजय राऊत -

एकनाथ शिंदे यांनी महाराष्ट्राचं सरकार पाडलं. त्यांनी बेईमानी केली म्हणून शिवसेनेत फुट पडली व महाविकास आघडीचं सरकार कोसळलं. त्यांच्या कार्यक्रमाला शरद पवार यांनी जायला नको पाहिजे होतं. ही आमची भावना असून यामुळे आम्ही महाराष्ट्रातील लोकांसमोर कोणत्या तोंडाने जाणार? असा सवालही राऊत यांनी उपस्थित केला होता.