पवारसाहेबच आमचे दैवत, आम्ही चुकलो तर...; करमाळ्यात जनसन्मान यात्रेवेळी अजित पवार काय बोलून गेले?

सध्या अजित पवारांची (Ajit Pawar) महायुतीत कोंडी होताना दिसत आहे. मित्र पक्षातील भाजपचे अनेक नेते आणि शिंदे गटाचे मंत्री अजित पवारांच्या अर्थखात्यावर आणि त्यांच्या पक्षावर उघडपणे टीका करत असून त्यांना महायुतीतून बाहेर काढण्याच्या चर्चाही दबक्या आवाजात सुरू आहेत.

हात बांधले होते, तोंडावर बुरखा होता; तरीही अक्षय शिंदेनं पोलिसांवर हल्ला कसा केला? प्रश्नांची मालिका संपेना!

महायुतीत अजित पवार नकोसे झाले असतानाच अजित पवारांनी शरद पवारांबद्दलचं केलेलं वक्तव्य राजकीय वर्तुळात चर्चेचा विषय ठरलं आहे. अजित पवारांची जनसन्मान यात्रा करमाळ्यात आली होती. यावेळी शरद पवार हे आमचे दैवत आहेत. आम्ही चुकलो तर कान धरा, असं विधान अजित पवारांनी केलं आहे. आजवर शरद पवारांच्या सोबतच काम केलं. आता योग्य रस्त्यानं जात असून त्यात जर आमचं काही चुकलं तर आमचा कान धरा. आम्ही कुणाला दुखावलं नसल्याचा दावाही त्यांनी केला आहे.

अजित पवार म्हणाले, आजवर पवार साहेबांच्या सोबतच काम केले. पवार साहेब आमचे दैवत आहेत. पण आता आम्ही योग्य रस्त्याने जात विकास कामे करत असताना आमचे काय चुकले, असा सवालही अजित  पवारांनी करत जर आमचं काही चुकलं तर आमचं कान धरा.

अक्षय शिंदेच्या एन्काऊंटर प्रकरणावर शरद पवार काय बोलले? गृह खात्याचं नाव का घेतलं?

यावेळी अजित पवार म्हणाले येत्या २९ सप्टेंबर रोजी लाडकी बहीण योजनेचा तिसरा हफ्ता महिलांच्या खात्यात जमा होणार आहे. अजूनपर्यंत ज्यांना एकही रुपया मिळाला नाही, अशा महिलांना तीन महिन्याचे साडे चार हजार रुपये येणार असल्याचे अजित पवार म्हणाले. विरोधक या योजनेवर टीका करत आहेत. ते सत्तेत असताना त्यांनी काय केले नाही आताआम्ही बहिणींना देतोय ते त्यांना पाहवत नाही. त्यामुळे विरोधकांच्या मागे जाऊ नका, असे आवाहन अजित पवारांनी महिलांना मतदारांना केले.