Shivaji Maharaj Statue : प्रतापगडाच्या पायथ्याशी अफझलखानाचा कोथळा बाहेर काढतानाचा छत्रपतींचा भव्य पुतळा, पहिली झलक समोर
Chhatrapati Shivaji maharaj statue : छत्रपती शिवाजी महाराजांकडून अफझलखान वधाचा प्रसंग जिवंत करणाऱ्या या १८ फुटी पुतळ्याचे काम अंतिम टप्प्यात आले. हा पुतळा सध्या पुण्यात असून शिल्पकार दीपक थोपटे यांनी हा पुतळा तयार केला आहे.
Chatrapati Shivaji Maharaj Statue : छत्रपती शिवाजी महाराजांच्या पराक्रमाने पावन झालेल्या प्रतापगडाच्या पायथ्याशी अफझलखान वधाचा १८ फुटाचा भव्य पुतळा साकारला जाणार आहे. प्रतापगडावर (Pratapgad Fort) शिवाजी महाराजांनी वाघ नखांद्वारे (Wagnakha) अफजल खानाचा (Afzal Khan) कोथळा काढून हिंदवी स्वराज्याचे रक्षण केले होते. तसेच यावर्षी छत्रपती शिवाजी महाराजांच्या राज्याभिषेकाला ३५० वर्षे पूर्ण होत आहेत. यानिमित्ताने किल्ले प्रतापगडावर छत्रपती शिवाजी महाराज अफजल खानाचा कोथळा काढतानाचा पुतळा उभारला जाणार आहे. याची पहिली झलक समोर आली आहे.
हे शिवप्रताप स्मारक उभारण्यासाठी 'हिंदू एकता आंदोलन, सातारा' आणि अन्य संघटनांकडून सरकारला विनंती करण्यात आली होती. आता मंत्री मंगल प्रभात लोढा यांनी प्रतापगडाच्या पायथ्याशी पुतळा बसवण्याची घोषणा केली होती. आता येत्या महिनाभरात या पुतळ्याचे अनावरण केले जाण्याची शक्यता आहे. छत्रपती शिवाजी महाराजांकडून अफझलखान वधाचा प्रसंग जिवंत करणाऱ्या या १८ फुटी पुतळ्याचे काम अंतिम टप्प्यात आले. हा पुतळा सध्या पुण्यात असून शिल्पकार दीपक थोपटे यांनी हा पुतळा तयार केला आहे.
१० नोव्हेंबर १६५९ रोजी प्रतापगडावरील लढाई आजही शिवप्रेमींच्या कौतुकाचा विषय आहे. किल्ले प्रतापगडावर दरवर्षी शिवप्रताप दिन साजरा केला जातो. तसेच या दिनानिमित्त सरकारच्या वतीने प्रतापगडावर विविध कार्यक्रमांचे आयोजन केले जाते.
काही वर्षापासून प्रतापगडाच्या पायथ्याशी असलेल्या अफलजलखानाच्या कबरीवरून मोठा वाद निर्माण झाला आहे. सरकारकडून प्रतापगडाच्या पायथ्यावरील अतिक्रमणे काढली आहे. हिंदुत्त्वादी संघटनांकडून अनेकदा अफजलखानाची कबर उखडून टाकण्याचा इशारा देण्यात आला आहे. यानंतर आता येथे शिवाजी महाराजांचा पुतळा उभारणार आहे.
प्रतापगडाच्या पायथ्याजवळील अफजलखान कबरीजवळचं अतिक्रमण हटवल्यानंतर राज्य सरकारने अतिक्रमण काढलेल्या ठिकाणी अफजलखानाचा कोथळा बाहेर काढणारा छत्रपती शिवरायांचा भव्य पुतळा उभारणार असल्याची घोषणा करण्यात आली होती.
कसा असणार शिवाजी महाराजांचा पुतळा?
- शिवरायांच्या या पतुळ्याजवळ लाईट आणि साऊंट शो असणार आहे.
- छत्रपती शिवाजी महाराज व अफझलखाना पुतळ्याची उंची १८ फूट इतकी आहे.
- या पुतळ्याचं अंदाजे वजन ७ ते ८ टन इतकं आहे.
- हा पुतळा बनवण्यासाठी साधारण ९ महिन्यांचा कालावधी लागला आहे.
- शिल्पकार दिपक थोपटे यांच्या मार्गदर्शनाखाली १५ कारागिरांच्या अथक मेहनतीतून हा पुतळा साकारण्यात आला आहे.
संबंधित बातम्या