Marathi News 17 July 2022 Live: युपीए कडून मारगारेट अल्वा उपराष्ट्रपती पदाच्या उमेदवार

उपराष्ट्रपती पदासाच्या उमेदवारी देण्यासंदर्भात राष्ट्रवादीचे नेते शदर पवार यांच्या दिल्ली येथील निवासस्थानी १७ पक्षांच्या प्रतिनिधींची बैठक पार पडली. युपीए कडून मारगारेट अल्वा यांना उपराष्ट्रपदी पदासाठी उमेदवारी देण्यात आली आहे. तर एनडीएकडून जगदिप धनकड यांना उमेदवारी देण्यात आली आहे. शरद पवार यांनी पत्रकार परिषदेत मार्गारेट अल्वा यांच्या नावाची घोषणा केली.

राष्ट्रपती पदाच्या निवडणुकीच्या पार्श्वभूमीवर लोकसभेतील सर्व विरोधी पक्षांची बैठक सुरु आहे. दिल्लीत शरद पवार यांच्या निवासस्थानी सुरू असलेल्या बैठकीत काँग्रेस नेते मल्लिकार्जुन खर्गे, सीपीआयएम नेते सिताराम येच्युरी, शिवसेनेचे नेते संजय राऊत आणि इतर नेते उपस्थित आहेत.

शिवसेना खासदार संजय राऊत यांनी ट्विटरवर एकनाथ शिंदे आणि देवेंद्र फडणवीस यांच्यासह भाजप नेत्यांचा फोटो शेअर केला आहे. राज्यपालांची भेट घेण्यासाठी गेले असतानाचा हा फोटो आहे. हा फोटो शेअर करत राऊतांनी म्हटलं की, उनकी मुस्कुराहट पर न जाना, दिया तो कब्र पर भी जल रहा है. वेट अँड वॉच असं म्हणत राऊतांनी इशारा दिला आहे.

देशात कोरोना प्रतिबंधक लसीचे २०० डोस आज पूर्ण झाले. याबद्दल पंतप्रधान नरेंद्र मोदी यांनी देशवासियांसह कोरोना योद्ध्यांचे अभिनंदन केले.

भारतात सलग तिसऱ्या दिवशी नव्या कोरोनाबाधितांची संख्या २० हजारांहून जास्त आढळली आहे. गेल्या २४ तासात २० हजार ५२८ नवे रुग्ण आढळून आले असून सक्रीय रुग्णांची संक्या १ लाख ४३ हजार ४४९ इतकी झाली आहे. दिवसभरात ४९ जणांचा कोरोनामुले मृत्यू झाला आहे.

पाकिस्तानच्या कराचीमध्ये इंडिगोच्या विमानाचं इमर्जन्सी लँडिंग करण्यात आलं. शारजाहमधून हैदराबादला विमान जात असताना तांत्रिक अडचणींमुळे विमानाचे लँडिंग केले गेले.

दिल्लीत जवळपास १५ दिवसांच्या विश्रांतीनंतर शनिवारी जोरदार पाऊस झाला. अनेक भागात पावसाने हजेरी लावल्यानं तापमानात काही प्रमाणात घट झाली. आजही हलक्या पावसाची शक्यता व्यक्त करण्यात आली आहे.

मणिपूरला भूकंपाचा धक्का, रात्री उशिरा १२ च्या सुमारास ४.८ रिश्टर स्केल इतक्या तीव्रतेचे धक्के बसले.