Latur Fire: लातूर येथील ६० फुटी रोडवरील सात दुकानांना भीषण आग

मिळालेल्या माहितीनुसार, ६० फूट रोडवर रोडवरील पश्चिमेकडील दुकानांना शुक्रवारी रात्री ८.३० वाजताच्या सुमारास आग लागली. काही क्षणातच आगीने रौद्ररूप धारण केले. या आगीची माहिती मिळताच लातूर शहर महानगरपालिकेच्या अग्निशमन दलाने घटनास्थळी पोहोचून आग आटोक्यात आणली. मात्र, तोपर्यंत सात दुकाने जळून खाक झाली.

आग कशामुळे लागली? याबाबत अद्याप कोणतीही अधिकृत माहिती समोर आली नाही. परंतु, शॉर्ट सर्किटमुळे आग लागल्याचा अंदाज आहे. या आगीत कुशनचे दुकान, गिफ्ट सेंटर, बुक स्टॉल, पानटपरी, किराणा दुकान, स्टेशनरी दुकान, फर्निचरचे दुकान काही क्षणात जळून खाक झाले.

pune encroachment : अतिक्रमणे काढा नाही तर हातोडा! पुणे-सोलापूर, पुणे- सातारा, पुणे- नाशिक महामार्गावर होणार कारवाई

लातूर शहर मनपाचे अग्निशमन अधिकारी सुभाष कदम यांनी दिलेल्या माहितीनुसार, शुक्रवारी रात्री ८.४५ च्या सुमारास ही आग लागल्याची माहिती मिळाली. त्यानंतर तातडीने महात्मा गांधी चौकातील एक आणि एमआयडीसीतील चार गाड्या घटनास्थळी दाखल झाल्या. आग आटोक्यात आणण्यासाठी अग्निशमन दलाचे १६ जवान प्रयत्न करत होते. रात्री उशिरापर्यंत आगीवर नियंत्रण मिळवण्याचे काम सुरू होते.