Maharashtra Election Result : ठाणे जिल्ह्यात महायुतीचा बोलबाला; १८ जागांपैकी १४ जागांवर मोठी आघाडी

१८ जागांपैकी १४ जागांवर महायुतीची मोठी आघाडी

शिवसेना शिंदे गटाने ६ मतदारसंघांमध्ये आघाडी घेतली आहे. या गटाने कल्याण पश्चिम, भिवंडी ग्रामीण, ओवळा माजिवडा, कोपरी पाचपाखाडी, कल्याण ग्रामीण आणि अंबरनाथ या मतदारसंघांमध्ये बाजी मारल्याचे चित्र दिसत आहे. मुख्यमंत्री एकनाथ शिंदे यांच्या शिवसेनेने सामान्यांच्या प्रश्नांना उचलून धरत त्यावर अनेक उपक्रम राबवले. याशिवा स्थानिक विकास प्रकल्पांचे वचन दिले आहे.राष्ट्रवादी काँग्रेसच्या अजित पवार गटाने शहापूर अ.ज. मतदारसंघात आघाडी घेतली आहे. अर्थात आता ठाणे जिल्ह्यातील एकूण १८ जागांपैकी १४ जागांवर महायुतीने मोठी आघाडी घेतली आहे.

Sanjay Raut : हा जनतेचा कौल नाही; काहीतरी मोठी गडबड आहे! विधानसभा निवडणूक निकालावर संजय राऊत यांची पहिली प्रतिक्रिया

प्रचार ठरला महत्त्वाचा मुद्दा

तर, शरद पवार गटाने मुंब्रा कळवा मतदारसंघात आपले सामर्थ्य दाखवले आहे. काँग्रेसने मिरा भाईंदरमध्ये आपली आघाडी कायम ठेवली आहे.समाजवादी पार्टीने भिवंडी पूर्व मतदारसंघात आपली ताकद सिद्ध केली असून, त्यांनी या भागात मजबूत निवडणूक प्रचार केला आहे. याव्यतिरिक्त, राष्ट्रवादी अजित पवार गट आणि शरद पवार गट देखील आपापल्या मतदारसंघांमध्ये चांगला प्रतिसाद मिळवताना दिसत आहेत.

विधानसभा निवडणुकीत चुरशीची लढाई

ठाणे जिल्ह्यातील या राजकीय लढतीत विविध पक्षांनी आपापली ताकद दाखवली असून, निवडणुकीचे निकाल आणि त्या अनुषंगाने होणारी राजकीय समीकरणे ही भविष्यात महत्त्वपूर्ण ठरतील. मतदारसंघनिहाय व पक्षनिहाय स्थिती पाहता, यंदाच्या विधानसभा निवडणुकीत चुरस वाढलेली आहे आणि सगळ्या राजकीय पक्षांनी त्यांचे वचन देत मतदारांपर्यंत पोहचण्याचा प्रयत्न केला आहे.