भगवाधाऱ्यांचं राज्य, आता अल्लाहू अकबर नाही तर जय श्रीराम ऐकू येणार : नितेश राणे

नितेश राणे यांनी विजयाच्या प्रारंभिक फेरीतच कार्यकर्त्यांशी साधलेल्या संवादात म्हटले की, ‘मी तुम्हाला पहिल्या दिवसापासून बोलत होतो, कणकवली, देवगड आणि वैभववाडीच्या जनतेने मला तिसऱ्यांदा सेवा करण्याची संधी द्यायची हे ठरवलेलं आहे. कणकवलीच्या २६२ गावात फिरताना मला हे जाणवलं.’ नितेश राणे यांच्या या वक्तव्याने त्यांच्या विजयावर त्यांचा किती विश्वास होता, हे दाखवून दिले आहे.

महायुतीला मोठं यश मिळाल्यानंतरही एकनाथ शिंदे यांची काळजी वाढणार; तर अजित पवार टेन्शन फ्री! कारण काय?

माझ्या मतदारसंघात जिहादी प्रचार झाला!

तसेच, नितेश राणे यांनी सांगितले की, ‘वेगवेगळ्या गावात फिरताना लोक मला सांगायचे की, 'नितेश राणे तुम्ही चिंता करू नका. तुम्ही राज्यात केलेलं हिंदुत्वाचं काम आम्हाला पसंत आहे. माझ्या मतदारसंघात जिहादी प्रचार झाला, परंतु हिंदू समाज कडवटपणे माझ्या सोबत उभा राहिला,’ अशी प्रतिक्रिया नितेश राणे यांनी दिली. नितेश राणे यांच्या मते, कणकवली मतदारसंघ हा १०० टक्के हिंदुत्ववादी विचारांचा आहे, आणि याचे उदाहरण म्हणून त्यांनी देवेंद्र फडणवीस यांचे विधान उद्धृत केले की, हे धर्म युद्ध होतं.

भगवा विरुद्ध फतवा लढाई!

नितेश राणे यांनी पुढे सांगितले की, ‘ही भगवा विरुद्ध फतवा लढाई होती. महाराष्ट्रात आणि कणकवलीत भगवा जिंकला आहे. आठव्याव्या फेरीत २०हजारांपेक्षा जास्त मतांची आघाडी असलेल्या नितेश राणे यांनी २४व्या फेरीत ६०हजारपेक्षा जास्त मतांची आघाडी मिळवण्याचा विश्वास व्यक्त केला होता. ते म्हणाले की, ‘सिंधुदुर्ग जिल्हा महायुतीचा बालेकिल्ला आहे. कणकवली, कुडाळ आणि सावंतवाडी तिन्ही जागा आम्ही जिंकणार आहोत.’ नितेश राणे यांनी आपला विश्वास व्यक्त करताना म्हटले की, ‘महाराष्ट्रात महायुती जिंकली आहे, भगवाधाऱ्यांचं राज्य आलं आहे. आता कानाकोपऱ्यात अल्लाहू अकबर ऐकायला मिळणार नाही, तर सगळीकडे जय श्रीरामचे नारे ऐकू येतील.’ भाजपच्या विजयामुळे कणकवली विधानसभा मतदारसंघात सध्या जल्लोषाचे वातावरण आहे.