Maharashtra Election News LIVE December 11, 2024: ladki bahin yojana : लाडक्या बहिणींसाठी महत्वाची बातमी, सरकारकडून निकषांबाबत पत्रक जारी

Ladki Bahin Yojana Update : लाडकी बहीण योजनेच्या निकषांत बदल करण्यात आल्याचं, लाडक्या बहिणींना अपात्र करण्याचं काम सरकारच्यावतीने सुरू असल्याचे मेसेज सोशल मीडियावर फिरत आहेत. याबाबत आता स्वत: महिला व बाल कल्याण विभागाने स्पष्टीकरण दिलं आहे.

CM Relief Fund - राज्यातील गोरगरीब आणि गरजू नागरिकांना आर्थिक मदत देणाऱ्या राज्य शासनाच्या ‘मुख्यमंत्री वैद्यकीय सहाय्यता निधी’च्या प्रमुखपदी मुख्यमंत्री देवेंद्र फडणवीस यांनी रामेश्वर नाईक यांची नियुक्ती केली आहे.

Mumbai High Court : मुलगी पूर्णपणे स्वावलंबी किंवा तिचं लग्न होत नाही तोपर्यंत वडिलांकडून तिला पोटगी म्हणजेच पालनपोषणाचा खर्च मिळण्याचा हक्क आहे, असा महत्वपूर्ण निर्वाळा मुंबई उच्च न्यायालयाच्या नागपूर खंडपीठानं एका प्रकरणात दिला आहे.

गँगस्टर अबू सालेम सध्या नाशिक जेलमध्ये कैद आहे. मला जेलमधून सोडावे, अशी विनंती त्याने टाडा कोर्टाकडे केली होती. परंतु कोर्टाने ती फेटाळून लावली आहे.

Mumbai Best Bus Accident : मुंबईच्या छत्रपती शिवाजी महाराज टर्मिनस (सीएसएमटी) परिसरामध्ये बेस्ट बसने एकाला उडवलं. या अपघातामध्ये एकाचा जागीच मृत्यू झाला आहे.

BJP Operation Lotus : शरद पवार यांच्या पक्षाचे अनेक खासदार भाजपच्या संपर्कात असून ते पक्षांतर करू शकतात, अशी माहिती आहे. या खासदारांचे म्हणणे आहे की, राज्यात तसेच केंद्रात भाजपची सत्ता आहे.अशा स्थितीत भाजपसोबत जाऊन परिसराचा विकास करणे सोपे जाणार आहे.

Parbhani Agitation : परभणी शहरातील जिंतूर रोडवर आंदोलकांनी रास्ता  रोको आंदोलन केले होते. या आंदोलनाला आता हिंसक वळण आले आहे. पोलिस आणि आंदोलक आमनेसामने आल्याने तणावपूर्ण स्थिती आहे.

Mahayuti Cabinet Expansion: भाजपकडे कॅबिनेटच्या २२, तर शिवसेना आणि राष्ट्रवादी काँग्रेसला अनुक्रमे ११ आणि १० मंत्रिपदे मिळणार आहेत, अशी माहिती समोर आली आहे.