Vasant Chavan : नांदेडचे काँग्रेस खासदार वसंत चव्हाण यांचे निधन, वयाच्या ६४ व्या वर्षी घेतला अखेरचा श्वास

काँग्रेसचे खासदार वसंत चव्हाण यांचे सोमवारी हैदराबादच्या एका खासगी रुग्णालयात दीर्घ आजाराने निधन झाले. वसंत चव्हाण यांनी पहाटे चारच्या सुमारास रुग्णालयात अखेरचा श्वास घेतला. गेल्या आठवड्यापासून त्यांच्यावर मूत्रपिंडाच्या समस्येवर उपचार सुरू होते. परंतु, मध्यरात्री श्वास घेण्यास त्रास होत असल्याने त्यांना नांदेडच्या रूग्णालयात दाखल करण्यात आले. मात्र, त्यांची प्रकृती ढासळल्याने त्यांना एअर अ‍ॅम्ब्युलन्सने हैदराबादला उपचारासाठी दाखल करण्यात आले. हैदराबादमधील किम्स हॉस्पिटलमध्ये त्यांच्यावर उपचार सुरु होते. उपचारादरम्यान त्यांची प्राणज्योत मालवली. वसंत चव्हाण यांचा पार्थिवदेह आज दुपारी नायगावला आणला जाणार आहे, उद्या मंगळवारी सकाळी ११ वाजता नायगाव येथे त्यांच्यावर अंत्यसंस्कार होणार आहेत.

सुप्रिया सुळे म्हणतात, फडणवीसांनी राजीनामा द्यावा! जयंत पाटील यांचं मात्र वेगळं मत

माजी मुख्यमंत्री अशोक चव्हाण यांनी निवडणुकीपूर्वी भाजपमध्ये प्रवेश केल्याने प्रकृती अस्वास्थ्यामुळे आणि मोठ्या पक्षांतरानंतर ही काँग्रेस नेते यंदा नांदेड लोकसभा मतदारसंघातून विजयी झाले होते. लोकसभा निवडणुकीचा निकाल लागल्यानंतर वसंत चव्हाण यांनी भाजपमध्ये प्रवेश केल्याबद्दल अशोक चव्हाण यांचे आभार मानले होते.

लोकसभा निवडणुकीत वसंत चव्हाण यांनी भाजपचे विद्यमान खासदार प्रताप पाटील चिखलीकर यांचा ५९ हजार ४४२ मतांनी पराभव करत निवडणुकीपूर्वी अशोक चव्हाण यांनी भाजपमध्ये प्रवेश केल्यानंतर कमकुवत झालेला पक्ष आणि स्वत:च्या वैयक्तिक आरोग्याच्या समस्येवर मात केली.

नांदेड जिल्ह्यातील नायगाव येथे जन्मलेले वसंत चव्हाण दीर्घकाळ ग्रामपंचायत सदस्य होते आणि नंतर १९९० आणि २००२ मध्ये ते जिल्हा परिषद सदस्य झाले. २००२ मध्ये ते महाराष्ट्र विधान परिषदेवर निवडून गेले आणि नायगाव विधानसभा मतदारसंघातून विधानसभेचे सदस्य झाले. २००९ ते २०१४ या काळात ते आमदार होते. २०२१ ते २०२३ या काळात ते नांदेड जिल्हा मध्यवर्ती सहकारी बँकेचे अध्यक्ष होते.