महायुतीच्या मंत्रिमंडळात ईडीद्वारे चौकशी सुरू असलेले अनेक नेते! एकाच्या घरावर पडली आहे रेड

प्रताप सरनाईक, हसन मुश्रीफ, धनंजय मुंडे यांच्या मागे या पूर्वी ईडीचा ससेमिरा लागला आहे. हे नेते  चौकशीच्या गर्तेत सापडली आहेत. एकाही नेत्याच्या नावाचा क्लोजर रिपोर्ट न्यायालयात पोहोचला नसल्याने त्यांच्याविरोधात चौकशी सुरूच असल्याचे संकेत मिळत आहेत. यात भाजपचे गिरीश महाजन यांचा देखील समावेश आहे.  सीबीआय अर्थात केंद्रीय अन्वेषण विभागाकडून त्यांची चौकशी सुरू होती.   

ईडीने मनी लाँडरिंगचा आरोप केलेले धनंजय मुंडे, हसन मुश्रीफ आणि सरनाईक तेव्हा विरोधी पक्षात होते. त्यानंतर ते  सरकारमध्ये सामील झाले. या प्रकरणी त्यांच्याविरोधात खटले सुरू असून कंपन्या आणि त्यांच्याशी संबंधित काही लोकांविरोधात आरोपपत्र देखील दाखल करण्यात आले आहे. नोव्हेंबरमध्ये विधानसभा निवडणुकीत महायुतीने राज्यातील २८८ पैकी २३० जागा जिंकल्या होत्या.

परभणी दगडफेक प्रकरणात कोठडीत असणाऱ्या तरुणाचा कारागृहात झाला मृत्यू, शहरात पुन्हा तणावाची शक्यता

महाविकास आघाडी सरकारच्या काळात महाजन यांच्यावर खंडणी आणि अपहरणाचे आरोप झाले होते. या प्रकरणाचा तपास  सीबीआयद्वारे करण्यात यावा अशी मागणी त्यांनी केली होती.  शिंदे सरकारने हे प्रकरण सीबीआयकडे सोपवले. महाजन यांना सीबीआयने क्लीनचीट दिली आहे.  या प्रकरणी सीबीआयने आयपीएस अधिकारी भाग्यश्री नावटके आणि इतरांविरोधात आरोप दाखल केले आहे. 

फडणवीस मंत्रिमंडळाचा आज विस्तार! कुणाला मिळणार संधी? कुणाची होणार निराशा? पाहा संभाव्य चेहरे

ईडीने मुश्रीफ यांच्याविरोधात मनी लॉन्ड्रिंगच्या आरोप करत त्यांच्या अनेक संस्था व घरावर  छापे टाकले आहेत. पूस गावातील १७ एकर भूखंडावरून मुंडे यांच्यावर ईडीची चौकशी सुरू आहे. हा भूखंड यापूर्वी बेलखंडी मठाच्या पुजाऱ्याला भेट म्हणून देण्यात आला होता.  तर सरनाईक यांच्यावर देखील मनी लॉन्ड्रिंगप्रकरणी दोन गुन्हे दाखल आहेत.

मुंबईकरांना मनस्ताप! वीज पुरवठा खंडित झाल्यामुळे मध्य रेल्वेची वाहतूक विस्कळीत; कर्जत, कसारा मार्गावरील लोकलसेवेला उशीर