Maharashtra Election : उमेदवारांच्या घोषणेआधीच अजित पवारांकडून १५ नेत्यांना एबी फॉर्म वाटप; कोणा-कोणाला मिळाली संधी?

जागावाटपावरून महाविकास आघाडीमध्ये अजून वाद सुरू असताना महायुतीतील जागावाटप फायनल झाल्याचे बोलले जात आहे. भाजपने ९९ उमेदवारांची पहिली यादी  जाहीर केली आहे.  तर शिवसेनेची यादीही उद्यापर्यंत जाहीर होण्याची शक्यता आहे. दुसरीकडे अजित पवारांच्या  राष्ट्रवादी काँग्रेसने उमेदवारांची यादी जाहीर करण्याआधीच १६ जणांना एबी फॉर्म दिले आहेत. एबी फॉर्म दिले असले तरी यादी जाहीर होईपर्यंत माध्यमांशी न बोलण्याच्या सूचना राष्ट्रवादीने या उमेदवारांना दिल्या आहेत. राष्ट्रवादीतील काही आमदार आणि इच्छुक नेते आज अजित पवारांच्या देवगिरी बंगल्यावर पोहोचले होते. त्यातील काहींना एबी फॉर्म देण्यात आले.

Assembly Election 2024: तिसऱ्या आघाडीची पहिली उमेदवार यादी जाहीर; बच्चू कडू अचलपूरमधून लढणार, पाहा कुणाला कुठून संधी?

बारामती विधानसभा मतदारसंघातून उपमुख्यमंत्री अजित पवार यांच्या नावावर शिक्कामोर्तब झाल्याचे सांगण्यात येत आहे. बारामती येथे प्रचारासाठी गाड्याही सज्ज झाल्या असल्याचे सांगण्यात येत आहे.

अजित पवार यांनी ‘या’ नेत्यांना दिले एबी फॉर्म

अजित पवारांनी छगन भुजबळ, अतुल बेनके, नरहरी झिरवळ, दत्तात्रय भरणे, दिलीप वळसे पाटील, संजय बनसोडे, राजेश विटेकर, चेतन तुपे, सुनिल टिंगरे, दौलत दरोडा, राजेश पाटील, आशुतोष काळे, हिरामण खोसकर, भरत गावित व बाबासाहेब पाटील यांना पक्षाचे एबी फॉर्म दिले आहेत.

Assembly Election 2024 : वंचित बहुजन आघाडीची ५ वी यादी जाहीर; अजित पवारांविरोधात दिला उमेदवार

या दोन मतदारसंघात भाजपचे नेते लढणार घड्याळ चिन्हावर -

सांगली जिल्ह्यातील तासगाव आणि वाळवा विधानसभा मतदारसंघात भाजप नेते इच्छुक आहेत. मात्र येथे विद्यमान आमदार राष्ट्रवादीचे असल्याने भाजप नेत्यांना घड्याळ चिन्हावर लढावे लागणार आहे. वाळवा मतदारसंघात भाजपाच्या निशिकांत पाटील यांना तर तासगाव विधानसभेतून माजी खासदार संजयकाका पाटील यांचे पुत्र प्रभाकर पाटील यांना घड्याळ चिन्हावर उतरवले जाणार असल्याचे बोलले जात आहे. तसे झाल्यास दिवंगत आरआर पाटील यांनी घड्याळ चिन्ह घराघरात पोहोचवण्याचे काम केले, त्यांचा मुलगा रोहित पाटील यांना घड्याळाचा सामना करावा लागण्याची शक्यता आहे.