कोल्हापूर, सातारा जिल्ह्यातून महाविकास आघाडी हद्दपार! सांगलीने राखली लाज, पाहा २६ मतदारसंघांचा निकाल एका क्लिकवर
Maharashtra Assembly Election Result : कोल्हापूर व सातारा जिल्ह्यातून महाआघाडी हद्पार झाली असून सांगली जिल्ह्याने थोडाफार हात दिला आहे. कोल्हापूर जिल्ह्यात तर सर्व दहाच्या दहा जागांवर महाविकास आघाडीच्या उमेदवारांचा पराभव झाला आहे.
महाराष्ट्र विधानसभा निवडणुकांचे निकाल आज जाहीर झाले आहेत. या निवडणुकीत भल्या भल्यांचे अंदाज फोल ठरवत राज्यात महायुतीची सुनामी पाहायला मिळाली. महायुतीला ऐतिहासिक विजय मिळवला असून भाजप, शिंदेसेना व अजित पवारांची राष्ट्रवादी २३५ जागांवर आघाडीवर आहे. विशेष म्हणजे महाविकास आघाडीचा गड असलेल्या पश्चिम महाराष्ट्रात महाआघाडीला मोठा फटका बसला आहे. कोल्हापूर व सातारा जिल्ह्यातून महाआघाडी हद्पार झाली असून सांगली जिल्ह्याने थोडाफार हात दिला आहे. कोल्हापूर जिल्ह्यात तर सर्व दहाच्या दहा जागांवर महाविकास आघाडीच्या उमेदवारांचा पराभव झाला आहे.
२०१९ च्या निवडणुकीत काँग्रेसने कोल्हापूर जिल्ह्यात कोल्हापूर उत्तर, कोल्हापूर दक्षिण, करवीर आणि हातकलंगले या चार जागा जिंकल्या होता. यावेळी या चारही जागांवर काँग्रेसचा दारुण पराभव झाला आहे. यामुळे जिल्ह्यातील सर्वात मोठा पक्ष असलेली काँग्रेस हद्पार झाली आहे.
कोल्हापूरमधील १० च्य़ा १० जागा महायुतीच्या वाट्याला -
कोल्हापूर जिल्ह्यातील दहाच्या दहा जागांवर महायुतीचे उमेदवार विजयी झाले आहेत. चंदगडमध्ये अपक्ष उमेदवार निवडून आला असून तो सुद्धा भाजपचा बंडखोर आहे. कोल्हापूर जिल्ह्यात भाजपने कोल्हापूर दक्षिण व इचलकरंजीत विजय मिळवला आहे. शिवसेना शिंदे गटाने राधानगरी, करवीर आणि कोल्हापूर उत्तर तीन जागा पटकावल्या आहेत. राष्ट्रवादी काँग्रेस अजित पवार गटाने कागल तर जनसुराज शक्ती पक्षानेही शाहूवाडी व हातकणंगलेची जागा पटकावली आहे. शिरोळ मतदारसंघात शिवसेना पुरस्कृत शाहू आघाडीचे राजेंद्र पाटील यड्रावकर यांचा विजय झाला आहे. त्यामुळे महायुतीच्या वाट्याला जिल्ह्यातील सर्वच्या सर्व जागा गेल्या आहेत.
कोल्हापूर जिल्ह्यातील निकाल
- कोल्हापूर दक्षिण- अमल महाडिक ( भाजपा)
- कोल्हापूर उत्तर-राजेश क्षीरसागर (शिवसेना शिंदे गट)
- हातकणंगले- अशोकराव माने (जनसुराज्य शक्ती पक्ष)
- शाहुवाडी- विनय कोरे ( जनसुराज्य शक्ती पक्ष)
- इचलकरंजी- राहुल आवाडे ( भाजपा)
- चंदगड- शिवाजी पाटील ( अपक्ष)
- शिरोळ- राजेंद्र यड्रावकर
- करवीर- चंद्रदीप नरके
- राधानगरी- प्रकाश आबिटकर
- कागल- हसन मुश्रीफ ( राष्ट्रवादी काँग्रेस)
Uddhav Thackeray: महाराष्ट्र विधानसभा निवडणुकीच्या निकालावर उद्धव ठाकरे यांना शंका, म्हणाले…
साताऱ्यातही महाआघाडीचा सुपडासाफ -
कोल्हापूरप्रमाणेच सातारा जिल्ह्यातही महाविकास आघाडीचा एकही उमेदवार विजयी झालेला नाही. कराड दक्षिणमधून काँग्रेसचे माजी मुख्यमंत्री पृथ्वीराज चव्हाण यांना पराभवाचा सामना करावा लागला आहे. साताऱ्यातील ८ जागांवर महायुती विजयी झाली आहे.
सातारा जिल्ह्यातील निकाल
- कराड दक्षिण- अतुल भोसले (भाजपा)
- कराड उत्तर- मनोज घोरपडे (भाजपा)
- कोरेगाव- महेश शिंदे ( शिवसेना)
- वाई- मकरंद जाधव ( राष्ट्रवादी)
- फलटण - सचिन पाटील ( राष्ट्रवादी काँग्रेस)
- सातारा- शिवेंद्रराजे भोसले ( भाजपा)
- पाटण - शंभूराज देसाई, (शिवसेना)
- माण - जयकुमार गोरे, (भाजप)
सांगलीने महाआघाडीची लाज राखली –
सांगली जिल्ह्यात महाविकास आघाडीला थोडाफार दिलासा मिळाला आहे. सांगलीत महाविकास आघाडीला तीन जागा मिळाल्या आहेत. त्यापैकी राष्ट्रवादी शरदचंद्र पवार पक्षाला दोन तर काँग्रेसला १ जागा मिळाली आहे. येथून रोहित आर आर पाटील, जयंत पाटील व विश्वजीत कदम विजयी झाले आहेत.
सांगली जिल्ह्यातील निकाल
- इस्लामपूर- जयंत पाटील ( राष्ट्रवादी शरदचंद्र पवार)
- मिरज- सुरेश खाडे ( भाजपा)
- शिराळा- सत्यजीत देशमुख ( भाजपा)
- विटा- सुहास बाबर ( शिवसेना)
- पलूस- विश्वजीत कदम (काँग्रेस)
- जत - गोपीचंद पडळकर ( भाजपा)
- तासगाव- रोहित पाटील (राष्ट्रवादी शरदचंद्र पवार)
- सांगली - सुधीर गाडगीळ ( भाजपा)
