Maharashtra Election : अजित पवारांचा झंझावात, अनेक ठिकाणी केली तुतारीवर मात; पाहा ४१ विजयी शिलेदारांची संपूर्ण यादी
NCP Ajit Pawar Winning Candidates List: विधानसभा निवडणुकीत राष्ट्रवादी अजित पवार गटाने ५५ उमेदवार रिंगणात उतरवले होते. त्यापैकी ४१ उमेदवारांनी मैदान मारले आहे.
NCP Ajit Pawar Group Winning Candidates : महाराष्ट्र विधानसभा निवडणुकीसाठी २० नोव्हेंबर रोजी मतदान पार पडले. त्यानंतर आज मतमोजणी प्रक्रिया पार पडली. या निवडणुकीत महायुतीची सुनामी पाहायला मिळाली. महायुतीतील सर्वच पक्षांनी घवघवीत यश मिळवले आहे.
राष्ट्रवादीच्या फुटीनंतर पहिल्यांदाच राष्ट्रवादी शरद पवार गट आणि राष्ट्रवादी अजित पवार गट आमनेसामने आले होते. अनेक ठिकाणी दोन्ही गटात मुकाबला झाला. या निवडणुकीत राष्ट्रवादी अजित पवार गटाने ५५ उमेदवार रिंगणात उतरवले होते. त्यापैकी ४१ उमेदवारांनी मैदान मारले आहे.
शरद पवारांच्या विरोधात जाऊन अजित पवार सत्ताधारी गटात जाऊन बसले होते. मात्र लोकसभा निवडणुकीत अजित पवार यांची केवळ एकच जागा निवडून आल्याने त्यांच्यासमोर राजकीय अस्तित्वाचा प्रश्न निर्माण झाला होता. महायुतीला अजित पवारांमुळे नाकारल्याचे भाजप नेते म्हणत होते. त्यानंतर अजित पवारांना महायुतीतून बाजुला केले जाण्याची शक्यताही वर्तवली जात होती. मात्र विधानसभा निवडणुकीच्या तोंडावर महायुती सरकारने सुरू केलेल्या लाडकी बहीण योजनेमुळे अजित पवारांच्या राष्ट्रवादीला मतदारांनी तारले आहे. राष्ट्रवादीचे जवळपास ४१ आमदार निवडून आले आहेत.
अजित पवार यांना जागावाटपात सर्वात कमी म्हणजे ५५ जागा वाट्याला आल्या होत्या. त्यातील ४१ उमेदवारांनी विजयाचा गुलाल उधळला आहे. अजित पवार यांच्यासोबत आलेले छगन भुजबळ, दिलीप वळसे पाटील, हसन मुश्रीफ, धनंजय मुंडे, आदिती तटकरे, संजय बनसोडे, धर्मरावबाबा आत्राम, दत्तात्रेय भरणे आदी मंत्री, नेते विजयी झाले आहेत. हसन मुश्रीफ आणि दिलीप वळसे पाटलांच्या मतदारसंघात शरद पवारांनी आक्रमक भाषण करून त्यांना पाड्याचे आवाहन जनतेला केले होते.
अजित पवार गटाच्या विजयी उमेदवारांची नावे –
- बारामती - अजित पवार
- येवला - छगन भुजबळ
- कागल - हसन मुश्रीफ
- आंबेगाव - दिलीप वळसे पाटील
- दिंडोरी - नरहरी झिरवळ
- परळी - धनंजय मुंडे
- अमळनेर - अनिल पाटील
- अमरावती शहर - सुलभा खोडके
- अर्जुनी-मोरगाव - राजकुमार बडोले
- अहेरी - धर्मराव बाबा अत्राम
- पुसद - इंद्रनील नाईक
- प्रतापराव चिखलीकर - लोहा
- वसमत - राजू नवघरे
- पाथरी - राजेश विटेकर
- कळवण - नितीन पवार
- शिरूर - द्यानेश्वर कटके
- इंदापूर - दत्ता मामा भरणे
- सिन्नर - माणिकराव कोकाटे
- निफाड - दिलीप बनकर
- देवळाली - सरोज अहिरे
- पारनेर - काशिनाथ दाते
- अकोले - किरण लहामटे
- इगतपुरी - हिरामण खोसकर
- शहापूर - दौलत दरोडा
- अणुशक्ती नगर - सना मलिक
- श्रीवर्धन - अदिती तटकरे
- भोर - शंकर मांडेकर
- मावळ - सुनील शेळके
- पिंपरी - अण्णा बनसोडे
- हडपसर - चेतन तुपे
- कोपरगाव - आशुतोष काळे
- अहमदनगर शहर - संग्राम जगताप
- गेवराई - विजयसिंह पंडित
- माजलगाव - प्रकाश सोलंके
- अहमदपूर-चाकूर - बाबासाहेब पाटील
- उदगीर - संजय बनसोडे
- फलटण - सचिन पाटील
- वाई - मकरंद पाटील
- चिपळूण - शेखर निकम
- तुमसर - राजू कारेमोरे
- सिंदखेड राजा - मनोज कायंदे
