Maharashtra Election: महाराष्ट्रात महाविकास आघाडीचा कशामुळं पराभव झाला? काँग्रेसच्या मोठ्या नेत्यानं सांगितलं कारण!

कर्नाटकचे मंत्री आणि काँग्रेसचे ज्येष्ठ नेते जी. परमेश्वर यांनी पराभवाच्या कारणांवर चर्चा करताना पृथ्वीराज चव्हाण म्हणाले की, युतीतील घटक पक्ष राष्ट्रवादी काँग्रेस (शरद पवार) आणि उद्धव ठाकरे यांच्या नेतृत्वाखालील शिवसेना (यूबीटी) नियोजनबद्ध पद्धतीने निवडणूक प्रचारात सक्रिय होऊ शकले नाहीत, असे ते म्हणाले.

Mahayuti: महायुतीत संभाव्य मंत्रिमंडळाचा फॉर्म्युला ठरला? मुख्यमंत्रीपदाचा सस्पेन्स कायम, उद्याच शपथविधी!

विदर्भ फॉर्म्युला ठरला फेल

'विदर्भात किमान ५० जागा मिळतील, अशी आमची अपेक्षा होती. परंतु, युतीतील घटक पक्षांमध्ये समन्वय नसल्याने आम्ही शेवटच्या क्षणी तिकीट जाहीर केल्याने पक्षात संभ्रम निर्माण झाला, असेही पृथ्वीराज चव्हाण म्हणाले. ईव्हीएमवर प्रश्न चिन्ह उपस्थित करताना ते म्हणाले की ‘आम्ही महाराष्ट्रात बसून निवडणूक निकालाचे विश्लेषण केले. काही भागात ईव्हीएम हॅक झाल्याची माहिती मिळाली. हे सर्वत्र नव्हे, तर निवडक भागात घडले आहे. ’

काँग्रेसला १९७७ नंतर आतापर्यंत सर्वात कमी मतदान

पृथ्वीराज चव्हाण पुढे म्हणाले की, '१९७७ च्या लोकसभा निवडणुकीत काँग्रेसला महाराष्ट्रात ४८ पैकी २० जागा मिळाल्या होत्या, ज्या आतापर्यंतच्या सर्वात कमी होत्या. पण यावेळी कामगिरी अधिकच वाईट झाली.' या दारुण पराभवानंतर काँग्रेस आणि महाविकास आघाडीच्या नेत्यांमध्ये आत्मपरीक्षण सुरू झाले आहे.

राज्यात भाजपला बहुमत

भाजपप्रणीत महायुतीआघाडीने २८८ पैकी २३० जागा जिंकून सत्तेतील आपली पकड मजबूत केली आहे. भाजप प्रदेशाध्यक्ष चंद्रशेखर बावनकुळे म्हणाले की, ‘यावेळी महाराष्ट्रात विरोधी पक्षनेता होणार नाही. काँग्रेस आणि विरोधकांच्या चुकीच्या कृतीचा हा परिणाम आहे. लोकसभा निवडणुकीत त्यांनी खोट्या बातम्या पसरवल्या आणि विधानसभा निवडणुकीत जनतेने त्यांना चोख प्रत्युत्तर दिले.’