Uddhav Thackeray: महाविकास आघाडीचा मुख्यमंत्रीपदाचा चेहरा कोण असेल? उद्धव ठाकरे स्पष्टच बोलले!

विधानसभेची लढाई म्हणजे एक तर तू राहशील किंवा मी!

उद्धव ठाकरे म्हणाले की, 'निवडणूक आयोग आज काहीतरी घोषणा करणार आहे. निवडणूक आयोगाने आज महाराष्ट्र विधानसभा निवडणुकीची तारीख जाहीर करावी. आम्ही तयार आहोत. लोकसभा निवडणुकीत आपण राजकीय शत्रूला पाणी पाजले. लोकसभेची निवडणूक ही संविधानाच्या संरक्षणाची लढाई होती. मात्र, आता ही लढाई एक तर तू राहशील किंवा मी राहील, अशी असेल. परंतु, ही लढाई आपल्या मित्र पक्षात नको. जे महाराष्ट्र लुटायला आले आहेत, त्यांच्याविरोधात लढू.'

महाविकास आघाडीत काड्या घालणारे महायुतीत

पुढे उद्धव ठाकरे म्हणाले की, महायुती सरकारला आता जाग आली. आता पवित्र होण्यासाठी पाण्यात डुबक्या मारून पाहत आहेत. मग ते सगळीकडे स्वत:चे फोटो छापत आहेत. पण आपल्याला ही निवडणूक कशी लढायची आहे, हे आपण ठरवायचे आहे. आपल्यामध्ये काड्या घालणारे काही लोक महायुतीत बसलेले आहेत.

महाविकास आघाडीमध्ये मुख्यमंत्रिपदाचा चेहरा कोण?

महाविकास आघाडीमध्ये मुख्यमंत्रिपदाचा चेहरा कोण? उद्धव ठाकरे मुख्यमंत्रिपदाचे चेहरा आहेत की आणखी कोण आहे? मी आता या ठिकाणी सांगतो, येथे शरद पवार आणि पृथ्वीराज चव्हाण हे देखील बसलेले आहेत. मी सांगतो मुख्यमंत्रि‍पदासाठी तुमच्यापैकी कोणाचाही चेहरा असेल तर तुम्ही जाहीर करा, आमचा तुम्हाला पाठिंबा असेल, असे उद्धव ठाकरे यांनी जाहीर केले.

Pune Coffee Shop: पुण्यात कॉफी शॉपच्या नावाखाली भलताच प्रकार, तरुण- तरुणीला 'अशा' अवस्थेत पाहून पोलीस चक्रावले

केंद्रीय निवडणूक आयोग आज (१६ ऑगस्ट २०२४) दुपारी ३.०० वाजता वाजता विधानसभा निवडणुकीचा कार्यक्रम जाहीर करणार आहे. नवी दिल्लीच्या विज्ञान भवनात पत्रकार परिषदेसाठी निवडणूक आयोगाकडून प्रसारमाध्यमांना देण्यात आलेल्या निमंत्रणात कोणत्या राज्यांसाठी निवडणुकीचा कार्यक्रम जाहीर केला जाईल, याचा उल्लेख नव्हता.