Maharashtra Lok Poll Survey: महाराष्ट्रात सत्तापालट? महाआघाडी दीडशे पार तर महायुतीला धक्का देणारे सर्वेक्षणाचे आकडे!
Maharashtra assembly election 2024: निवडणुकीशी संबंधित ओपिनियन पोल आणि फोरकास्टर'लोक पोल' या संस्थेनं महाराष्ट्रातील सर्व मतदारसंघात ताजं सर्वेक्षण केलं असून याचे आकडे प्रसिद्ध करण्यात आले आहेत. या सर्वेक्षणानुसार महाराष्ट्रात सत्तापालट होण्याची शक्यता वर्तवण्यात आली आहे.
Maharashtra Lok Poll Survey Result : जम्मू-काश्मीर व हरियाणा विधानसभा निवडणुकीची रणधुमाळी सुरू असून ही प्रक्रिया संपताच महाराष्ट्रात निवडणुकीचे बिगुल वाजण्याची शक्यता आहे. त्या पार्श्वभूमीवर निवडणुकीशी संबंधित ओपिनियन पोल आणि फोरकास्टर'लोक पोल' या संस्थेनं महाराष्ट्रातील जिल्ह्यांमध्ये ताजं सर्वेक्षण केलं असून याचे आकडे प्रसिद्ध करण्यात आले आहेत. या सर्वेक्षणानुसार महाराष्ट्रात सत्तापालट होण्याची शक्यता वर्तवण्यात आली आहे. महाविकास आघाडी सत्ताधारी महायुतीला पराभूत करू शकते, असा अंदाज वर्तवण्यात आला आहे.
लोक पोलच्या ताज्या सर्वेक्षणातील निष्कर्षानुसार, आगामी विधानसभा निवडणुकीतमहाराष्ट्रातील सत्ताधारी महायुतीला११५ ते १२८ जागा मिळू शकतात तसेच त्यांची मतांची टक्केवारी ३८ ते ४१ इतकी राहू शकते.तसेचविरोधात असलेल्या महाविकास आघाडीला स्पष्ट बहुमत म्हणजे १४१ ते १५४ जागा मिळण्याची शक्यता वर्तवली आहे. त्यांच्या मतांची टक्केवारी ४१ ते ४४ टक्के राहण्याची शक्यता आहे.राज्यात अपक्ष व अन्य पक्षांना ५ ते१८ जागा आणि १५ ते १८ टक्के मते मिळण्याची शक्यता आहे.महाराष्ट्रात एकूण २८८विधानसभा जागा अजून कोणत्याही पक्षाला किंवा आघाडीला सरकार स्थापन करण्यासाठी १४५ जागांचा आकडा पार करावा लागणार आहे.
शिंदेंची लोकप्रियता वाढली तर फडणवीसांची घटली -
सर्वेक्षणात अंदाज वर्तवण्यात आला आहे की, महायुतीला मुंबई,उत्तर महाराष्ट्र (Khandesh) आणि कोकणात चांगल्या जागा मिळू शकतात. सर्वेक्षणात समोर आले आहे की, राज्यात काँग्रेस एक नंबरचा पक्ष बनून समोर येऊ शकतो, मात्र त्यांना जोरदार प्रचार करावा लागणार आहे. सर्वेक्षणात म्हणले आहे की, मुख्यमंत्री एकनाथ शिंदे यांची लोकप्रियता वाढली असून फडणवीस यांची लोकप्रियता घटली आहे.
Lok Pollने कसा केले सर्वेक्षण?
निवडणुकीशी संबंधित ओपिनियन पोल आणि भविष्यवाणी करणाऱ्या 'लोक पोल' ने महाराष्ट्राशी संबंधित ग्राउंड सर्वे जवळपास एक महिने केला आहे. त्याचा अहवाल सोमवारी (९ सप्टेंबर २०२४) रोजी प्रसिद्ध करण्यात आला. सर्वेक्षणात प्रत्येक विधानसभा मतदारसंघात जवळपास ५०० सॅम्पल जमा करण्यात आले. अशा प्रकार संपूर्ण सर्वेक्षणात एकूण दीड लाख सॅम्पल गोळा केले गेले.
राज्यातील ८ विभागानुसार केले सर्वेक्षण -
- लोक पोलने महाराष्ट्रात ६ झोननिहाय सर्वेक्षण केले आहे.पहिला झोन विदर्भ आहे. विदर्भात विधानसभा निवडणुकीच्या ६२ जागा आहेत. येथे महायुतीला केवळ१५ ते२० जागा मिळू शकतात तर महाविकास आघाडी ४० ते ४५ जागांपर्यंत मुसंडी मारू शकते. अन्य पक्षांच्या खात्यात १ ते ५ जागा जाण्याची शक्यता आहे. येथे काँग्रेस जोरदार कामगिरी करू शकते. येथे शेतकरी, अनुसूचित जाती-जमातींचा संताप सत्ताधाऱ्यांच्या विरोधात जाऊ शकतो.
- दुसरा झोन उत्तर महाराष्ट्र (खान्देश) असून तिथे राज्यातील विधानसभेच्या ४७ जागा आहेत. तिथे दोन्ही आघाड्यांना समसमान जागा म्हणजेच महायुतीला व महाआघाडीला २० ते २५ जागा मिळण्याची आशा आहे. येथेही कांदा उत्पादक शेतकऱ्यांच्या रोषाचा सामना सत्ताधाऱ्यांना करावा लागू शकता.
- तिसरा झोन म्हणजे, ठाणे-कोकण. या भागात विधानसभेच्या ३९ जागा आहेत. तिथे महायुती चमकदार कामगिरी करत असून तेथे त्यांना २५ ते ३० जागा मिळू शकतात तर महाआघाडीकडे केवळ ५ ते १० जागा जाण्याची शक्यता आहे. येथे शेकाप व उद्धव ठाकरेंचा पक्षही ढेपाळताना दिसत आहे.
- चौथा झोन मुंबई आहे. या भागांत विधानसभेच्या ३६ जागा आहेत. सत्ताधारी महायुतीला मुंबईत फटका बसू शकतो. त्यांना केवळ १० ते १५ जागा मिळण्याचा अंदाज आहे. तर महाविकास आघाडीला २० ते २५ आणि इतरांना शून्य ते एक जागा मिळू शकते. उद्धव ठाकरेंच्या नेतृत्त्वाखालील शिवसेनेकडे मुंबईतील सर्व मराठी मतं जाण्याची शक्यता आहे तर काँग्रेसला मुस्लिम वोट बँकचा फायदा मिळेल.
- पाचवा झोन पश्चिम महाराष्ट्र आहे, ज्यामध्ये ५८ जागा असून येथे महाविकास आघाडी मुसंडी मारू शकते. येथे त्यांना ३० ते ३५ तर महायुतीला २० ते २५ जागा मिळण्याची शक्यता आहे.
- शेवटचा आणि सहावा झोन मराठवाडा असून येथील शेतकरीही सरकारवर नाराज असल्याचे दिसत आहे. या भागात ४६जागा असून महायुतीला १५ ते २० आणि महाविकास आघाडीला २५ते३० जागा मिळू शकतात. अपक्ष ० ते २ जागांवर निवडून येण्याची शक्यता आहे. महाराष्ट्राचा जनादेश सध्या महाविकास आघाडीच्या बाजूनं झुकल्याचं पाहायला मिळत आहे. सरकारची लाडकी बहीण योजना सरकारला इतकी फायद्याची ठरत नसल्याचे दिसून येत आहे.
