BJP Candidate List : भाजपाची २५ उमेदवारांची तिसरी यादी जाहीर; बोरिवलीतून विद्यमान आमदाराचा पत्ता कट, कुणाकुणाला संधी?
Bjp Candidate List : भाजपकडून तिसरी उमेदवार यादी जाहीर करण्यात आली असून यामध्ये २५ उमेदवारांच्या नावांची घोषणा करण्यात आली आहे. यामध्ये बहुतांश विदर्भातील जागांचा समावेश आहे.
Bjp Third Candidate List : महाराष्ट्र विधानसभा निवडणुकीसाठी भारतीय जनता पक्षाकडून उमेदवारांची तिसरी यादी जाहीर करण्यात आली आहे. या यादीत २५ उमेदवारांनासंधी देण्यात आलीआहे. भाजपने तिसऱ्या यादीसहआतापर्यंत १४६ उमेदवारांच्या नावाची घोषणा केली आहे. तिसऱ्या यादीत विदर्भातील बहुतांश जागांचा समावेश करण्यात आला आहे.
भाजपने या यादीत लोकसभेत पराभूत झालेल्या राम सातपुते यांच्यावर पुन्हा एकदा विश्वास दाखवला असून त्यांना माळशिरमधून उमेदवारी देण्यात आली आहे. त्याचबरोबर तिसऱ्या यादीत बोरिवलीच् विद्यमान आमदार सुनिल राणे यांचा पत्ता कट करण्यात आला आहे. त्यांच्याऐवजी संजय उपाध्याय यांना भाजपाने मैदानात उतरवले आहे. वर्सोव्यातून भारती लव्हेकर यांची उमेदवारी कायम ठेवली असून घाटकोपरमधूनही पराग शाह यांना पुन्हा संधी देण्यात आली आहे. काटोलमधून इच्छुक असणारे आशिष देशमुख यांना सावनेर मतदारसंघातून उमेदवारी देण्यात आली आहे.
भाजपची २५ जणांची तिसरी यादी घोषित
- मुर्तिजापूर - हरिश पिंपळे
- कारंजा - सई डहाके
- तिवसा -राजेश वानखेडे
- मोर्शी - उमेश यावलकर
- आर्वी - सुमित वानखेडे
- काटोल - चरणसिंग ठाकूर
- सावनेर - आशिष देशमुख
- नागपूर मध्य - प्रवीण दटके
- नागपूर पश्चिम - सुधाकर कोहले
- नागपूर उत्तर - मिलिंद माने
- साकोली - अविनाश ब्राह्मणकर
- चंद्रपूर - किशोर जोरगेवार
- आर्णी - राज तोडसाम
- उमरखेड - किशन वानखेडे
- देगलूर - जितेश अंतापूरकर
- डहाणू - विनोद मेढा
- वसई - स्नेहा दुबे
- बोरीवली - संजय उपाध्याय
- वर्सोवा - भारती लव्हेकर
- घाटकोपर पूर्व- पराग शाह
- आष्टी - सुरेश धस
- लातूर शहर -अर्चना चाकूरकर
- माळशिरस - राम सातपुते
- कराड उत्तर - मनोज घोरपडे
- पलुस कडेगाव - संग्राम देशमुख
भाजपच्या तिसऱ्या यादीत विदर्भातील बहुतांश जागांचा समावेश आहे. मूर्तिजापूरमधून हरिश पिंपळे, कारंजामधून सई डहाके,तिवसामधून राजेश वानखेडे, मोर्शीमधून उमेश यावलकर, आर्वीमधून सुमित वानखेडे, काटोलमधून चरणसिंग ठाकूर, सावनेरमधून आशिष देशमुख तर नागपूर मध्यमधून शहराचे माजी महापौर प्रवीण दटके यांना पक्षाने संधी दिली आहे.
भाजपने ९९ जणांची पहिली यादी जाहीर केली होती. त्यानंतर २२ उमेदवारांची दुसरी यादी आणि सोमवारी २५ जणांची तिसरी यादी भाजपने जाहीर केली असून एकूण १४६ जणांची घोषणा भाजपने आतापर्यंत केली आहे.
संबंधित बातम्या